انا قيصيري
لاكن اشوف واسمع حريم صراخ يشق القلب شق
ادري من الوجع لاكن
تخوف اللي مابعد ولدن خاصه لو بكريات
احس الصراخ وكثير يقولون انه هو اللي يعسر الولاده
وهذا غير لو فيه رجال
يعني اتالم اصرخ بس مو ذاك الصراخ
بعضهم الا تصارخ عشان قالوا لها الولاده الا بصراخ
ماينفع
وكثير بنات بكريات يقولن مانصارخ نتحمل وتسكت
الصراخ يوتر ويتعب للوالده
وللممرضات والدكتوره
وللي حولها مابعد ولدن
ولو فيه بنات مو متزوجات ولا رجال
يعني يتحمل الواحد يعني عارفه عارفه انك بتولدين والم فيه
خلاص حاولي تنزلين الطفل بهدوء
اقلها الم مو صراخ اللي يشق الجدران

بالولاده الثانيه كانت تقيس الطلق وانا دايخه اقولها تكفين الله يخليك ( ما ودي ادعي على الدكتوره ذحين شي وفات )
لكن دخت وهي تقول الطلق مو حامي وترجيتها مره اخر شي رحت الغرفه قدي واصله ومفتوح عشره وبولد بملابسي😅

انا بولادتي الاولى رحت المستشفى كان مفتوح ٣ سانتي واصارخ من الساعه ١١ الليل لين ٥ الفجر واخر طلق صناعي وماطلع الا بالشفط
ولادتي الثانيه رحت وهو ٧ سانتي رحت الساعه ٨ الصباح وولدت ١٠ الصباح الحمدلله كان صراخ على خفيف نص ساعه في غرفه الولاده وولدت
ولادتي الثالثه رحت وهو ٧ سانتي بس ماصرخت ابدا كل ماجت طلقه قلت استغفر الله يارب يارب والحمدلله ربي يسرها رحت ٥ الفجر وولدت ٧ الصباح
الحمدلله يارب تذكرت ايام صعبه مررره
الحين اكبر اطفالي عمره ١٠ سنوات
والي بعده ٧سنين
واخر شي سنه وشهرين
الله يحفظهم يااارب ويكتب اجرنا

ترى يا بنات في دراسات حديثه تؤكد إن بعض الأجسام والنساء خصوصًا حساسات للألم جدا يعني خدشة الجلد البسيطه تسبب لهم آلآم أقوى من الطبيعي بسبب مرض او شي معين في أعصابهم
فكيف آلام الولاده اللي أصلا قويه جدا فأسألوا الله العافيه

غلط الصراخ
ثقافة الصراخ عند بعض الناس !
الصراخ يجي من عدم الوعي أولا ولو تعلم أن صراخها بيزيد مشكلتها ما صرخت .
فصراخها يستنفذ الطاقة الي تحتاجها للدفع ويصعب الرحم في توسعه
والطريقة الصحيحة فهو أخذ نفس عميق واخراجها بهدوء من الفم وهذا يخفف الألم بإذن الله لحد ما ويساعد على التوسع .