ربي يحنن قلبه عليك وعلى عياله ومايشوف احلا ولا غلى منك عنده يارب

السلام عليكم ورحمة الله وبركاته


الله يهدي سركم ..ويصلح ما بينكم ويا ريت تقرين هذا الدعاء بعد كل صلاة

( ( اللهم ألف بين قلوبنا وأصلح بيننا وأهدنا سبل السلام أخرجنا من الظلمات الى النور جنبنا الفواحش ما ظهر منها وما بطن ) )





والله يصلح بينكم ويسخركم لبعض
عزيزتي أنتي أول غلطة غلطتيها أنك عودتيه على انك تتحملين أغلب المصاريف

اللي المفروض الزوج هو اللي يتكفل فيها..

وثاني غلطة أنك تقارنين نفسك بغيرك ..وأغلب الرجال ما يعجبهم هالطبع ...وبيني وبينك هذا طبع ماهو حلو

الغلطة الثالثة ..أنك بعد سبع سنين من الزواج وهذا يعتبر عمر يعني أكيد عرفتي طبعه وشنو يحب وشنو يكره

يعني لازم تجارينه وتلبين كل طلباته دام انها مافيها اي شي غلط أو حرام .

و حاولي ادخلين واحد من أهلج واحد من أهله يقعدون معاه ويكلمونه ..ويشوفون حل للخلاف اللي بينكم

والطلاق يا عزيزتي مو شي بسيط خاصة ان بينكم أطفال وبحاجتكم ...

انا ماقريت الردود كلها لكن انا مريت بالي مريتي فيه ,,, ولزمت الاستغفار ,,

كنت احس انه مايبيني وكان عند اول خلاف يقول روحي لاهلك كلها خطوتين ,, وكان يطلب فلوس بالهبل واذا ماعطيته هجرني

وفي ليلة ربي الهمني برد ومن بعدها ماعاد يهددني

قلت له تدري انك صادق ليش مارارجع عند اهلى وبعد العدة اتزوج ولد صغير وادلعة ويدلعني وحتى لو ماعنده راتب يكفي انه يعطيني الحب الي استحقه وبدل ما اصرف على واحد يذلني ويعذبني بلقى الي يستاهل والعطاء يكون متبادل

بعدها ماعاد يجيب طاري الفلوس وتعاملة تغير عن اول كثير

نصيحة حسسيه انك تقدرين تستغنين عنه مو بالفلوس بالعاطفة وقولي عيالك بخليهم عندك ماني ملزومة فيهم

وان شاءالله مايصير طلاق ولا شيء لكن على الاقل بيخاف من اليوم الي ترمينهم علية ويبلش فيهم ولا يقدر يتزوج غيرك حتى

الله يسخر لك وعليك بالاستغفار

جزيتم خيرا على نصايحكم وتوجيهاتكم لي
وبعمل بها
بس دعواتكم ان الله يحنن قلبه ويسخره لي ولعيالي

الله يفرج همك