تصرفات اخت زوجي وش تفهمونها وعلى وش تدل ؟ ادخلو جزاكم الله خير

السلام عليكم ورحمة الله


يابنات .. انا لي خمس لو ست اشهر متزوجه
ساكنه مع بيت اهل زوجي وعندي حاليا غرفة وحمام اعزكم الله برى الغرفه
اخت زوجي متزوجه وبيتها قريب
وكل يوم اتزورنا
وتقعد من الصبح الى المغرب
بحكم ان امها مريضه
المهم ..
هي كانت من افضل خوات زوجي ومدحتها وايد
لكن مع الاسف .. لها فترة من تشوفني اتحاول اتغثني
ولا ادري شالسبب ..
يعني انا مرضت .. وهي قالت لي قدام زوجي
انتي دايما مريضه ؟ المفروض تكونين مثل اللي في عمرج
قوية ووو


ومستحيل هي ماتعرف ان كلامها الي تقوله وقدام اخوها
اكبر غلط!!!!


واخوها اصغر منها دايما يأيدها ..


مهما اشتكي له يبرر لهااا ..


المهم .. كانت تبي مكان تشتري منه شي
انا عطيتها رايي .. ان في مكان عاجبني رشحته لها


وراحته وماعجبها ويت اتقول ياليتني مارحت هالمكان الفاشل ماعجبني ..
وانا متفاجئه منها .. ورحت لغرفتي بهمي
وقالت لزوجي يمكن زعلت مني زوجتك.


هي عارفه هالشي يزعل من الاساس
ولما قابلتني يوم ثاني ماجابت لي سيره ..


هي بتوري اخوها انها تمزح بس مو مبين انها تمزح!!


لانها ماجابت لي ولا سيره ..


وانا كل ماافكر بفكره حلوه لمصلحتي
تدخل عرض وتصر تقنعني بأن الي في راسي غلط



حتى سلامها اتغير


دايما تسخر مني





قالت لي ابي كلوركس .. قلت لها موجود بالحمام
دخلت تاخذ ... وغسلت معاها الحمام وطلعت
قلت لها ليش غسلتيه ؟


قالت لانه مايتشاهد !!!!!!!!!


مع انه كان نظيف بس يبي له اعاده بس لاني تعبانه هاليومين
لكن هي بالغت بالشي ..


ومايحق لها اصلا .. اتغسله ..


يعني شنو افهمها ؟


هي بتخدم اخوها ؟
وبتوريه اني مهمله ؟


ولا هي على نياتها نظفته ؟
ولو على نياتها ... اسألها ليش اتقول .. مايتشاهد !!
قمه في المبالغه وقالتها لي بدون نفسسسسس
اتكلمني بدون نفس !!
ولا شسالفه ؟
الي تطلع منها هالحركات .. واحسن الظن !!
ولا ابي اسيء الظن ..
بس فهموني على وش تدل تصرفاتها معاي؟