Lelo 2009 @lelo_2009
كبيرة محررات
تصرفات البعض بعد فسخ الخطبه
السلام عليكم ورحمه الله وبركاته
وحده من معارفي تعمل في مستشفى جتهم حاله حرمه كبيره في السن محترقة :44: كابه عليها طليقة ولدها أسيد بعد مافسخوا الملكة ( سمعوا ان البنت أخلاقها سيئه) فانقهرت البنت وانتقمت منها وكان جايبها أبوها تتفاهم مع ام طليقها ماكان يدري انها بتفضحه وبتنتقم وكان واقف بينهن وجاه من الاسيد واحترقت رجلينه والحين البنت في السجن بس هذا اللي سمعته
سبب كتابتي لهسالفه لاني اشوف في المجالس تصرفات تقهر:mad: أتـــــقـــــوا الله يعني فسخه الخطبة أو الطلاق مايبرر لأهل الولد وأهل البنت انهم يمشون فالمجالس يسبون ويشتمون ويشوهون سمعة الطرف الاخر هذا غير عن قطيعه الرحم ان كانوا أقارب وماعندهم الا هالموضوع يحكون فيه بحجة ماينقطع نصيب ولدهم أو بنتهم وبيبينون للناس ان العيب من الطرف الثاني فاذا ربي ماكتب ان هالزواج يتم المفروض يقولون مافيه نصيب - الولد مارتاح يسترون على البنت مو يمشون ويفضحون بالخلق لان الدنيا دين مردود سترتوا الله يستر عليكم ماحفظتوا لسانكم بيجي اليوم اللي الناس بتتكلم فيه على بناتكم
شيء ثاني الرسول عليه الصلاة والسلام قال "استعينوا على قضاء حوائجكم بالكتمان فإن كل ذي نعمة محسود " صراحه شيء عجيب اذا أعلنتوا الخطبه يبدأ شغل الحساد يجونكم ناس من أخر الدنيا يحذرونكم مايندرى فعلا اذا هم صادقين او الدعوى بس تخريب وتصفية حسابات مع انه أحياناُ الولد ماتتمنينه لبنت عدوك
الخلاصة :27: الانسان لازم يجتهد في السؤال عن الناس اللي بيتقدم لهم ويبذل الأسباب ويدعي ربه بالرزق الحلال والزوج الصالح ويستخير وبالنهايه اللي كاتبه ربي بيصير قال تعالى : {الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ} وممكن تتزوج انسانه صالحه طيبه بخبيث هو إبتلاء ياتصبر وتحتسب أو تلجأ لأبغض الحلال
دمتوا بــــــــود
27
2K
يلزم عليك تسجيل الدخول أولًا لكتابة تعليق.
تسلمين يا عسسسسله ع الموضوع المميز كصاحبته ^^
اللهم صلي و سلم على سيدنا و حبيبنا محمد ...
اللهم صلي و سلم على سيدنا و حبيبنا محمد ...
تسلمين يا عسسسسله ع الموضوع المميز كصاحبته ^^ اللهم صلي و سلم على سيدنا و حبيبنا محمد ...تسلمين يا عسسسسله ع الموضوع المميز كصاحبته ^^ اللهم صلي و سلم على سيدنا و حبيبنا محمد ...
:27: شكراً على الاطراء
الصفحة الأخيرة
صآدقة..الحمدلله الذي عآفآنآ ..
لكن البنت خربت على نفسهآ زيآدة ....وكأنهآ أثبتت الكلآم عليهآ ..