تصرفات امي ..اه مقهورة

السلام عليكم يا اجمل حوائيات
ياليت تساعدوني اوتعطوني على اقل تقدير حلول
او تفسرون لي حالة امي هل هي طبيعية او لا ؟
بنات للاسف امي الي مفروض تكون مثالي بالحياة حسسسسسسودة تحسد الناس وتشوفهم في ارزاقهم وتاكلهم اكل
تحسدهم على ابسط شيئ
انا ارحم هالناس و اذكر الله عليهم
و اكثر من مرة اقولها تركي الناس في حالها
و لكن تزعل و تهرج بالكلام على راسي
وتطلع كل السوالف القديمة و تطحن على راسي


مثلا اي وحده عيالها متوفقين ماشاء الله تقعد تحن وتطحن على عيالها
اي وحده مسافرة تقعد تقول صج عندها حظ موحلوة وزوجها مدلعها
تعيب على خلقة الله و تقلد اشكالهم بوجها
بس الله راواها اخوي جاب حفيد اسمر اللون الحمدلله اهم شيئ الصحة
لكن مرة رميتها بوجهها وقلت لها هذا من كثر عيابك على الناس
محد عاجبها
مستحيل يمر احد قدامهاماتعلق عليه
و لو شنو نسوي لها ماينقع ولايبين بعينها
انا كل شهر اعطيها 1000 و احيان توصل 2000 قبل ما اتزوج و لازلت اعطيها كل شهر ومومقصرة فيها
و بعد تطمع و تطمع
تحب روحها وتحب المدح بشكل غير طبيعي
ومايسوى ننصحهابكلمة الا تاكلنا بقشورنا والله
اخوي من ذوي الاحتياجات الخاصة الله يشفيه ويرفع عنه
و انا احس انها تفرح وتستبشر اذا حد جاب ولد موصاحي
احس داخلها يستانس
بنات هي امي وانا مارضى تكون بهالصورة
بس انتو تشوفون هذا الوضع طبيعي؟
انا عندي اخ عاطل عمره حوالي ال 27 و تعالو شوفو شلون تحقد على كل شخص بسنة ومتزوج ومستقر
ودي اقولها كل ماطالعتي رزق غيرك الله مايرزقك
بنت عمتي تزوجت شخص غني ماشاء الله
وتعالو شوفوها
كل يوم ماعندها غير سيرتها
وشلون طاحت عليه وشلون خذها وهي موحلوة
و يمال الضعفة شلون حملت بهالسرعة وصار عندها 2 عيال بسنة
و هكذا دواليك
و لاحول ولاقوة إلا بالله
بنت عمتي الثانية طبيبة وبعد تعالو شوفو سيرتها كل يوم شلون درست وشلون تحملت صعوبة الدراسة وشلون وكم راتبها وعايشة ومن ديرة لديرة ووووو
يعني ماتكل ولا تمل
ليتها تذكر الله كثر ذكر الناس


شنو الحل يابنات؟؟؟
وادعو لي بالذرية صارلي سنة متزوجة وكل نائجنا سليمة
الله يرزقني وكل من تدعي لي