حبيبتي حاسه بك لأني شفت شيء شبيه له بالحياة وقصص مشابه .
أنتي تعرفين أن (دعوة المظلوم ليس بينها وبين الله حجاب) وبما إنك مظلومة استغلي هالشيء لصالحك
بس إستغليه بالخير مش بالشر , يعني أدعي لنفسك بكل شيء تتمنينه في حياتك وكل ما تطمحين له ,
ولا تدعي بالشر أبداً على أبوك أو على غيره ,, وخلي خواتك وأمك بما أنهم مظلومين يسون نفس الشي
ومشاعر الحاليه تجاه أبوك وأخوانك حاولي تتغلبي عليها وتحطي بدالها مشاعر الحب لنفسك وطلب الخير لها
وبإذن الله حياتك تتغير للأفضل ,, الله يوفقك.
حبيبتي متفهمة وضعك ربي يفرج همك
لكن بقولك شي
هذا أبوكِ مهما عمل يظل أبوكِ سامحيه وادعيله وبريه وبتشوفي بركة هذا البر في سنينك الجاية
أنا بصراحة ما شفت أحد بار بوالديه إلا ومتوفق في حياته، بالنسبة للوضع في بيتكم طنشي كل شي وطنشي حريم أخوانك ولا يهمونك وسامحي الكل من جواة قلبك في كل ليلة، وإن شاء الله بكرة تتزوجي برجل صالح يخاف الله فيكي،
صلي صلاة الليل ودائماً رددي هذا الدعاء:(ربي ارزقني زوجاً صالحاً تقياً كريماً مخموم القلب)
صدقيني الحياة ما تسوى تنكدي على نفسك وتجيبي الأمراض لنفسك. والله المعين.
لكن بقولك شي
هذا أبوكِ مهما عمل يظل أبوكِ سامحيه وادعيله وبريه وبتشوفي بركة هذا البر في سنينك الجاية
أنا بصراحة ما شفت أحد بار بوالديه إلا ومتوفق في حياته، بالنسبة للوضع في بيتكم طنشي كل شي وطنشي حريم أخوانك ولا يهمونك وسامحي الكل من جواة قلبك في كل ليلة، وإن شاء الله بكرة تتزوجي برجل صالح يخاف الله فيكي،
صلي صلاة الليل ودائماً رددي هذا الدعاء:(ربي ارزقني زوجاً صالحاً تقياً كريماً مخموم القلب)
صدقيني الحياة ما تسوى تنكدي على نفسك وتجيبي الأمراض لنفسك. والله المعين.
الصفحة الأخيرة
شوفي
ابوك نوعيته كثيرر الرجل المتسلط الي ينحاز للذكور والبنات ولاشي
لاتتعبين نفسك وتترجين انه يتغير لان هذا هو شيب ولا تغير هاذي افكار متجذره في شخصيته رباها عليه مجتمع نظرية الحرمه ولاشي
بس الحين ربي جالس يردها عليه وهاذولي الرجال الي مقدرهم ماعاد يهتمون فيه
لاتحسبين الله مايشوف
الافضل كذا لكم وله
له لعل وعسى يتعظ ويصحى له قلب ويشوف بناته الي بارين فيه وصابرين على تفرقته ومعاملته
ولكم ترتاحو من حريم خوانكم ومرضهم النفسي واخوانك والي يسوونه معاكم
المفروض تفرحين لان الوضع كان غير صحي لانفسكم وقلوبكم مليانه بتنفجر
وكذا خف الظغط عليكم
خليهم بعيد ورسمي احسن
بس استغلي هالفرصه وتقربي من ابوك بطريقه ثانيه ماعمرك سويتيها
انت تعرفين ابوك وتعرفين وش يحب ويرضيه
ولانه كبر احتياجاته وعصبيته رح تخف
شربيه كوب بابونج ويانسون قبل النوم ولاتقولين عشان عصبيتك قولي عشان ترتاح بنومك
سولفي معاه وقهويه واختاري الي يحب من سوالف حتى لو عاملك غلط اقلبيها مزح
حبي راسه كل يوم
اصدميه
اهتمي فيه بطريقه ماتعود عليها منك
اقري له من النت قصص واشعار اغاني قديمه مره
خليه يسولف لكم عن شبابه وطفولته وزمنهم
سوي له اكلات يحبها وشعبيات
خلوه يتعود عليكم ويفقدكم
ولله ينقلب حاله معاك شوي شوي
وبعدها هو رح يتغير معاكم
اذا تقدرين توظفي واشغلي نفسك وشوفي الحياة والناس
ارقي نفسك انتي واخواتك عن تعطيل الزواج لاسمح لله يكون في سبب الله يبعد عنكم كل شر يارب ويرزقكم خير الرجال واطيبهم
ويوميا نصيحه مجربه ولله له فايده ب اذن الله
اهم شي قبل دخول المغرب أي وقت شغلي بالبيت
الرقية الشرعيه لطرد الشيطان من المنزل تلاقينها يوتيوب كذا اكتبيها مثل ماكتبت لك
بعدين من وقت لو وقت اهم شي لاتقطعينها عن بيتكم
والبقرة من وقت لو قت مثلا كل جمعه
حريم اخوانك اختصريها على انفسكم وخلو الوضع رسمي وعااااااادي جو وراحو نقطه وانتهى
ونفس الشي اخوانك
ولله راحه لكم ولنفسياتكم لا تدخلون بعراك ومشاحنات مع ناس عقلياتها كذا مارح يتعب الا انتو
ورددي دايم يارب سخر لنا ابوي كما سخرت البحر لسيدنا موسى عليه السلام والن قلبه كما النت الحديد ل دواد عليه السلام وحنن قلبه علينا وعوضنا خير
ادعي من قلب قلبك
تقبلي مروري وعسى ربي يعطيك لين يرضيك ويريح قلوبكم ويعوضكم خير