تصرفات اهل زوجي معايا ابغى رايكم الله يوفقكم

السلام عليكم اخواتي والله انا مره متكد ره ومافي غير الله ثم انتم اشكيلكم من تصرفات اهل زوجي الله يهديهم اانا متزوجه ماشاء الله من 16 سنه وعايشه مع اهل زوجي ومن يوم ما تزوجت سبحان الله وانا احس انهام زوجي تفضل عليه سلفتي الي هي مره ولدها التاني ومع كدا والله ما عمري عاملتها الابكل احترام وتقدير وما يصير عندها شي الا انااول من يساعدها في طبخ وغيره والله اني اعملها هي وبناتها احسن معامله لكن للاسف القلب وما يحب حتى اولادي معاملتهم غير عن اولاد عمهم وعمتهم اولادي دايما يتصرخ عليهم وينضربوا منها من غير سبب حتى والله كرهوا يطلعوا عندهم وانا اقولهم معليش يا بابا هده ستوا ولازم تحترموها مع انه واللع اولاد عمهم وعمتهم يسبوها ويرفعوا صوتهم عليها وهي تضحكلهم المهم من قبل كم اسبوع اعرف با الصدفه انه اخت زوجي ليها شهر متوظفه وانا ما ادري عنها لكن عرفت من سلفتي لانها هي قالتلها مع اني نسيت اقولكم انه سلفتي ساكنه في بيت لوحدها واخت زوجي اخدت شقتها الي هي قدامي وقلت يا بنت معليش ولكن الي قهرني من جد انه سلفتي تتصل عليه تقولي جهزت فستان لملكةاخت زوجي الصغيره وانه ام زوجي كلمتها وقالتلها جهزي نفسك انت واولادك والله انها صدمتني ليش يا ناس انا ايش سويتلكم والله لو كنت عدوتكم ما سويتوا فيه زي كدا والمصيبه ساكنه معاكم في وسط البيت ولمن كلمت زوجي يقولي ليش ما توجهيهم وتساليهم بنفسك ليش يسوا معاك كدا مع انه هو والله بيشوف معاملتي الطيبه معاهم فانتوا لو كنتوا مكاني ايش كنتوا راح تسوا لاني والله مره متكدره وانتظر حلكم الله يوفقكم:44: