للاسف فيه اشياء كثيره ما تعجبني واتمنى انها تتغير ,,,,,,

لكن فيه موضوع اتمنى من الجميع يغير نظرته له و هو (( اللقيط او اللقيطه ) الاحظ اذا كان فيه طفل لقيط و متربي عند ناس احسن تربيه ويعاملونه مثل عيالهم بالضبظ بدون احتقار ولا تفضيل او شفقه ,,,,, لكن الناس مستحيل يعتبرونه ( انسان ) ممكن يحنون عليه و يعاملونه بالطيب لكن لما بيتزوج او ولدهم قال بيتزوج لقيطه .... استغرب من الغرب يربون اطفال جايين من (( حرام )) ويتعامل احسن معامله و يعيش احسن حياه ) يدرس ويتوظف ويتزوج و يربي عياله و لا فيه احد يقوله ( يا ابن ,,,,, واحناحثنا على كفاله اليتيم و الشفقه عليه لكن للاسف حقوقه ضايعه من الناس ويحرمون شي الله امرنا فيه


فيه نا اخذوا بنت من ملجئ وكانت رضيعه الام كانت في نفاس وارضعتها مع طفلها ,,,, لما كبرت البنت و بدت تفهم قالوا لها كل شي علشان ما تنصدم بعدين اذا كبرت او احد من الملاقيف يسوي نفسه فاعل خير و يقولها ,,,, المهم البنت تضايقت لكن فكرت انها عمرها ما حست بمعامله غير عن الباقين لا افضل و لا اسواء وانها عايشه حياه كريمه ومبسوطه ,,,,,لكن لاحظت التفرقه بالمعامله من الناس ( اقاربهم + جيرانهم + صديقات اخواتها في المدرسه )) ومع هذا ما اهتمت بهالشي لكن بعدين لاحظت ان اخواتها الي اكبر منها تزوجوا والدور جاء عليها لكن الي انخطبوا و تزوجوا الي اصغر منها ,,,,ليش ؟؟ علشانها لقيطه ولا احد عارف اهلها ولا احد يبيها لولدهم ,,,,,,,, ليش مو انسانه ما عندها احساس ,,,,,,ما تعتبر بنت لهم

انا كنت دايم افكر اربي يتيم لكن خايفه اظلمه بهالمجتمع اجيبه علشان يتعقد و يتلطم من الناس ولا اضمن عمري اذا مت مين بيرضى يربيه ,,,,,,, اكيد بيتمنى انه يعيش في دار ولا يعيش في مجتمع بهالتفكير هالعقليه ,,,,,,,,,,,, واعذروني اذا طولت

إكرام ههههه ذكرتيني بوحده الله يذكرها بالخير ( سلفتي) كأنك تتكلمين عنها بالضبط الله يعافينا ولايبتلينا هذا طبع بعض الحريم وماألومهن أبدآ بالعكس أحترم
شخصيتها وأتعامل معها بدون ماأوضح أن هذا الطبع سلبي ...

*******************
بنت أبوها ........ موضوع رائع خصوصآ أننا بمجتمع يعشق المتناقضات

يعني سواء الشخص متعلم أو غير متعلم عنده أفكار جاهليه هذا يقهرني
متعلم ومثقف وعنده درايه بالحياه اتفاجأ بموقف أو أفكار غريبه مترسبه بكيانه

أفكار أكرهها بمجتمعي وأتمنى أن تنقرض
تفضيل الولد على البنت .......وانا مع مريومه بكل كلمه

وأيضآ اعتبار ام البنات مسكينه ضعيفه مهزوزه تعيش حياه ناااااااقصه وزوجها
مايحبها لأنها ماأنجبت له أشبال لأنهم بيطلعون صلاح الدين على غفله ولا
عبدالرحمن الفاتح ........قمه بالجهل والتخلف

اعتبار الولد هو الاساس بيحمي أخواته وووو طيب ربما يكون نقمه عليكم
ويكون هو سبب شقاءكم

تخلف وعقول فارغه ...تصرفات تبين جهل مجتمعنا مهما بلغ أعلى الشهادات

عاده السكن مع الحموله عاده سيئه جدا ولها عواقب سلبيه

وفيه عادات اكثر اذا تذكرت ارجع ان شاء الله:42:

الواثقه

الله يجزيك الجنه قولي امين !!

من كم يوم كنت افكر بموضوع واسال نفسي كيف وياليت !! لقيت الاجابه في فقره من كلامك .. الله يجزاك خير مدري كيف غابت عن بالي :26:

السلام عليكم ،،

وأنا أكره التالي :
1) اذا رحت أشتري عباية أو تنورة جاهزة ، وأطلبها بمقاس معين يطالعني البياع وأغلبهم هنود
من فوق لتحت وبعد الخز والتمحيص يجاوب ويقولي لا هذا مقاس وايد أحسن . << نظراته ما تعجبني كلش وشكله متعود يفصل جسم المرأة عدل .
2) البصق بالشوارع خاصة عند الاشارات الحمرة ، وفي ناس يتعنون ما يفتحون الدريشة بس لا وباب السيارة ويأخذون راحتهم أخ...............................
3) روحت الرجل بروحه للسوق والمجمعات التجارية بدون غرض <<< شنو اللي يايبه ما أدري .
4) النفاق والمجاملة الزايدة والكذب والحش بالناس والاستهزاء بهم <<< مجتمعه في شخص واحد.
5) التمثيل والخبث جدام الناس ، في وقت تكونين أنتي الوحيد اللي كاشفتها <<< والله قهره.
بس خلاص لو قلت وقلت ما يكفي ، شكلي بفتح موضوع لحاله .

تقهرني اللي تكون تبغى منك شيء وتجلس تلف وتدور وتلمح عشان انتي تقولين لها تبين (الشيء اللي ببالها ) من غير ما تطلب هي مباشرة :22: ..
وتقهرني اللي تسوي نفسها ذكية وتمكر عليك بحركاتها وتسوي نفسها مسكينة وقلبها طيب عشان حاجة في نفسها ,وما تدري ان حركتها هذه مكشوفة عندي .:09: .
يقهروني اللي يستهزئون بالمتدينين وينتقدونهم , وما دروا انهم يتهزون على دين محمد صلى الله عليه وسلم :( ..
يقهرني اللي يقولي لا تسوين كذا عشان فلانة ما تقول كذا وتنقد عليك (وهو شيء لا عيب ولا حرام )

تقهرني السلبية في المجتمع والسكوت عن الخطأ وعدم مناقشته ومحاولة حله ..سواء كان في البيت أو المدرسة أو أي مكان ..