تصرفات بعض الناس غريبه لو انتي مكاني وش تسوين

السلام عليكم بنات انا قد كتبت موضوع استشيركم فيه وهو موضوعي اللي تعرفت على معلمة المادة وانا اطبق .. اللي ناسيته ياليت ترجع تقراه من صفحتي اسمه( تعرفت على وحده لكن وش تفسرون هالشي )عشان تفهمون هالموضوعموضوعي هذا مجرد فضفضه واللي بتقولي رايها الله يجزاها خير ويرزقها من حيث لاتحتسب لما قلت لكم وش رايكم تتوقعون انها جالسه تنسحب مني ؟ او ارجع اعزمها مره ثانيه . اغلبكم قالي يمكن عندها ظرف واحسني الظن وشوفي عشان تقدرين تحكمين هي ترسلك تهنئه برمضان وبالعيد او لا واقطعيها فتره شوفي هي ترسلك وتدورك او لا وانا جايه اقولكم وش صار اوكي !!طبعا تركتها وفعلا جت تهنئني برمضان بعدين رحمتها وانبني ضميري قلت انا اسأت الظن فيها ... ومع ذلك قلت مع نفسي خلاص بخفف تواصلي معاها تبغاني معاها رقمي وتقدر تتواصل معي ماتبغاني كيفها . وتقريبا بوسط رمضان ارسلت لي تسلم علي تقولي كيف حالك ومن ذا الكلام وعلقت على حالتي بالواتس هههههههه . يوم شفتها كذا قلت شكلي ظالمتها خلاص بصير اتواصل معاها ماراح اقطعها وبعد كم يوم اضطريت اسالها سؤال عن الماستر بحكم اني سالت صديقاتي ويقولون ماندري مانعرف . وردت رد مختصر وسكتت مااحسها عطتني وجه ... بعد خمس ساعات تقريبا ردت قالت اسفه كنت مشغوله واصبع شعري وعذرتها وجلست تسولف لي عن صبغتها وكذا بعدين سالتها قلت لها وين بتقضين العيد ؟ هنا ولا بالرياض وسكتت ماردت وغيرت السالفه ( ماادري ليش قلت يمكنها ماتبغى احد يعرف عنها شي بس شدعوه مو لهالدرجه عاد تصرفاتها هذا تحسسني انه كانها تقولي مالك دخل وانها ماتبغاني ) حتى حزت بخاطري والله واسال امي قلت لها يمه عيب سؤالي قالت لا عادي وشدعوا سواليف وباخر رمضان قبل العيد بيوم ارسلت دعاء للناس العزيزه علي وهي ارسلتها من ضمنهم حتى ماكلفت نفسها ترد مثلهم تقول امين وجاء العيد وارسلت لكل اللي عندي تهنئه وارسلتها من ضمنهم ولا ردت ابد سحبت علي تقرا وتطنشني هنا انا حممممقت الصراحه شدعوا ماسويت لها شي ويشهد الله اني استمريت اتواصل معاها الا لاني احبها لانها كانت عسسسسسل عسسسل نادره الصراحه ومعدنها طيب حزت بخاطري كثييير وضاق صدري وقلت خلاص ماراح اتواصل معاها شكلها ماتبغاني وهذا اكبر دليل بعد اسبوعين ارسلت لي بي سي عادي وهنا ينفر مخي زياده شلوووون كذا مره تحسسني انها تنسحب مني ومره اقول لا حرام يمكن نست ترد التهنئه وبعد كم يوم اضافتني بالسناب شات شافت اسمي بالقائمه اللي محملين السناب عشاني حاطه رقمي واضافتني وهليت فيها ورحبت . بس زادت الاستفهامات اللي براسي مره تسحب ومره اقول لو هي ماتبغا العلاقه تستمر كان مااضافتني . وامي تقول مو من كل اضافك يبغاك بس فضول وانا قلت لا شكلي انا اسوء الظن لو هي تبغى العلاقه تنقطع او مالها خلقي مستحيل تضيفني ومر اسابع وقلت خل اكلمها بالواتس سالتها عن اخبارها قالت بخير اخبارك انتي ؟ قلت تمام اخبارك مع الدوام ؟؟؟؟ وسحبت علي وماردت بعدييين خلااااااااص ضاق صدري ليش تسوي كذا مره تحسسني انها تبغاني ومره ماترد وقررت خلاص اقطعها بس والله مااحب يصير لي زي كذا . لانها طيبه وانا طبعي اذا حبيت وحده مااحب اننا ننقطع احب العلاقات الاجتماعيه وخصوصا اني تعلقت فيها احس لو تعطيني وجه كان صارت اعز انسانه عندي وشرايكم وش تدل عليه تصرفاتها بهالطريقه ماتبغاني صح ؟؟ بس ليش كذا طيب وش سويت ؟وشرايكم اسكت او اقولها كلام بطريقة مؤدبه اقولها مثلا اسفه شكلي صرت نشبه بس تراي انا طبعي اجتماعيه وانتي قلتي لي انه راح نتواصل مع بعض هذا اللي خلاني اتواصل معك وخلاص على راحتك وماراح انساك من دعواتي لانك ماقصرتي معي بالتطبيق محد سوى مثلك والله يحفظك وين ماكنتي !!او اسكت احسن ؟؟؟ والسناب شكلي بشيها من حكايتي مااستحمل تسوي بي كذا ويشهد الله اني ماودي ننقطع شوروا علي ورجاء يامشرفات اسالكم بالله لاتنقلون الموضوع تعبت وانا اكتب وهالقسم اكثر تواجد عضوات تكفون خلوه بهالمكان سالتكم بالله