تصرفات بنتي ويومياتها ؟؟ ماتعطيني فرصه احس بحبي لها ؟؟

السلام عليكم
بنتي الكبيره عمرها 5 سنين وكم شهر والصغيره سنه و4 شهور مشكلتي مع بنتي الكبيره يوميا تضرب اختها والله يابنات مافيه يوم يمر الا وبنتي الصغيره كل شوي وتصيح منها تغافلني الكبيره يعني اروح اطبخ والا احوس شوي في البيت الا وتضرب اختها احيانا اسمع بنتي الصغيره تبكي لكن ما شفت الكبيره ضربتها بعيوني اخاف اكون ظالمتها لكن اكثر من مره بالصدفه مثل قبل امس شفتها ضربت اختها على خدها حتى الصوت انسمع وهي الصغيره مررره حلوه وبريئه ولاكانت مسويه شي كانت واقفه عادي الا تجي اختها وتصفعها ولما اروح بيت اهلي امي تقولي انتهي على بنتك ترى اكثر من مره اشوفها تغافلنا وتضرب اختها تقولي امي احيانا تشد شعرها شعره شعره ومره ضربتها على راسها تقول سمعت الصوت وانا بعيده عورت قلبها من الصوت الي طلع والا تطيحها عن عمد مع العلم ان مدللين الكبيره ولا محسسينها بش ابد بالعكس كثير اترك الصغيره عند امي واطلعها واللعبها ونعاملها زين في البدايه لما تطق اختها كنت اجي لها باسلوب لطيف احاول احببها لاختها مافيه فايده الحين اعصب واخر مره سويت لها عقاب بعد ماشفتها بعيوني صافعه اختها وديتها لامي وتركتها وطلعت مع زوجي وبنتي الصغيره وانا متفقه مع امي وتقول لها خلاص مابيجون لانك تطقي اختك وهي تبكي وتقول خلاص مابسوي لها شي وظلينها يمكن ساعتين تقريبا ورجعنا وهي تعاتب وتوعدنا خلاص بتحبها ولا في فايده والله تعبانه مره البارح كان معاي بنات وعندهم اطفال تصدقوا انها بدل ماتلهي معاهم راحت مسكت اختها بقوه وبعدين طيحتها وانا كنت احضر القهوه حتى هم تفاجأوا من حركتها وتألموا كثير على الصغيره لانها تعورت يقولن زين ماطلع منهادم لان الطيحه قويه بالله عليكم وش اسوي معاها طول اليوم ازعاج مرجوجه مرررره تناطط فوق الكنب والطاولات وتخلي اختها تسوي مثلها وتاخذ اتختها وتعنف معاها والا ماتخليها تلعب اذا الصغيره مسكت شي بتلعب ماترضى وتعاندها والله مو عارفه مايجي علي الليل الا وجع في راسي من القهر والازعاج سويت معاها كل الطرق تقريبا ولا فيه نتيجه حتى اهلي الا كانوا يحبونها ومدللينها الحين صاروا يعصبون من حركاتها وهم ماكانوا كذا ؟ زوجي يتعمل معاها بالكلام الطيب مافيه نتيجه يعصب مافيه يضرب مافيه عاقبناها لما تركتها عند اهلي ولا شي تغير ؟؟ بنتي الصغيره خايفه عليها ولاني متهنيه بامومتي معاها واللخ كاسره خاطري كل يوم تطقها وتصارخ عليها كل شوي وتفزعها بصوتها العالي حتى بنتي الصغيره صارت احيانا تعصب وتطق من اختها ؟؟بنات الله يجزيكم خير ساعدوني وش اسوي ؟ دلوني على حل ؟ والله اكتب ودموعي على خدي احس بتانيب الضمير معاهم بنتي الكبيره طول اليوم قاهرتني وفي نفس الوقت اقول هي برئيه طفله مهما كان كاسره خاطري لان صايره قاهرتنا كان وحده كبيره وهي اصلا طفله ؟مو مخليتنا نحس بالحب اتجاهها بسبب حركاتها ؟ والصغيره كل شوي وتصيح ولا عارفه ادللها اخاف اختها تعنف اكثر معاها طول الوقت ماتخلي لنا فرصه اصلا نلاعب الصغيره ابوها يجي مشتاق لها وهي ماشاء الله عليها بس تشوفه تروح تركض فرحانه وتجي الكبيره وتعارض تمنع ابوها ان يحض اختها والا يلاعبها من اجلس من النوم الىىىىىىى الليل وانا في حالة قهر وعصبيه بعد ما كان صوتي يالله يطلع الحين كل يوم اضطر ارفع صوتي واصارخ ما احس بالحب اتجاهها من حركاتها وهالشي يزيدني الم على المي طبعا هي فيها حركات ثانيه مررره تخلي الي ما يعصب يعصب لكني اختصرت وركزت على حركاتها مع اختها تعبااانه مرره منها الله يبارك فيكم ساعدوني

معذره كتبت هنا لاني ابي تفاعل اكثر وهالقسم دايم فيه عضوات اكثر من قسم الطفل