تصرفات تخليك ضيف غير مرغوب فيه..انتبهي لا تكونين ضيفة ثقيلة

حبيت اتكلم معكم في موضوع مهم جدا بالنسبه لي

وهو بعض التصرفات الي تصدر من بعض الناس وتخليني اتهرب من استقبالهم في البيت او استثقل زيارتهم بالعربي يصيرون ضيوف ثقيلين وغير مرغوب فيهم:angry2:

وفيه ناس كثير يتشكون مثلا فلانة ماعزمتني فلانه ماتبيني ازورها بدون ماتحاول تفكر في السبب وتشوف نفسها يمكن فيه تصرف سوته ماعجب هالانسانه وخلاها تسحب عليك

ويمكن تطلع تصرفات من البعض بحسن نية او عشانه يمون لكن الناس مايتقبلونها وتخليهم يتهربون من استقبال هالشخص ببيوتهم

انا بتكلم عن كم حركة تزعجني انا شخصيا وماادري لو الكل ينظر لها نفس النظرة لكن احتمال كبير يكون كثير من الناس تضايقهم ويمكن فيه ناس ياخذونها بحسن نية ومايدرون انها ممكن تزعل عشان كذا الموضوع ان شالله بتستفيدون منه

اول شي الاطفال :angry2: و آآآآآآآآآه من الاطفال في ناس ماشالله يزورونك بطفل والا اثنين لكن ماتحسين بوجودهم الله يحفظهم من نظافتهم وادبهم وامهم تكون حاطه عينها عليهم ولاتخليهم يخربون
لكن بالمقابل فيه ناس اعوووووووذ بالله ودك ترمينهم هم وعيالهم برا وماتصدقين متى يروحون بعضهم ماشالله يجيبون عيالهم وينسونهم يكسرون يخربون يدخلون الحمام ويوصخون وهي ولا تدري عنهم وحدة اعرفها ترفع ضغطي عيالها يجونها يبون الحمام ماتقوم ولا توديهم لحد ماالله يكرمكم يسويها على نفسه ويوصخ الكنبة والا الفرش او انه يروح الحمام لحاله ويعدم لنا الدنيا يعني قممممممممممة في الوصاخة

والي عيالهم يفكون الثلاجة ويلعبون بالاغراض او يلعبون بالضيافه ويفشلونك قدام ضيوفك اعرف وحدة ولدها عمره 6 سنوات كاان ياخذ صحن الضيفه وياكل منه او يشرب عصيرها وهي ولا على بالها :09:

لو عيالك زي كذا نصيحة مني لا ترووووووووحين للناس لانه عييييييييب وقلة ادب تروحين للناس وتضايقينهم وتخربين عزومتهم خليهم عند ابوهم او ربيهم عدل او خلي عينك عليهم

الي زي كذا شي من اثنين يااما مااستقبلها او اوري عيالها العين الحمرا ولا علي منها :o

الفئة الثانية الي اذا بتزورك تجيب العايلة كلها وجارتها وجارة جارتها يعني باختصار انتي عزمتي وحدة لكن تفكين الباب تنصدمين انهم 4 او 5 وبصراحة هالحركة اعتبرها قلة ذوووووووووق ليش لان الحرمة يمكن عامله حسابها لعدد معين في الضيافه والعشاء وكذا وتجين انتي بهالحركة تحرجينها بعض الناس مجالسهم صغيرة وماتستوعب عدد كبير لمن تجين انتي وشلة حسب الله يمكن يضيقون عالناس :16:

وكمان لمن تكون علاقتك بجارتك حلوة وصداقتكم قوية وكذا شي حلو بس ترى مايعني انك تشيلي الكلفة مره ومجرد ماتسمعي انه عندها عزومة والا جمعه تروحين بدون عزومة وتقولين مابيننا شي بعض الناس يسوونها بحسن نية وبعضهم من باب اللقافه وفي الحالتين طبعا اكبر غلط انك تروحين وهي ماكلمتك لانه احتمال كبير تكونين ضيف ثقيل يمكن الحرمة عندها اهلها وتبي خصوصية ويمكن عندها صديقاتها او قريباتها وماتبي احد غريب ايا كان السبب من حقها تختار مين يكون في عزومتها ومو من حقك تفرضين نفسك :09:

الجيات الفجأة كمان مو مستحبة يعني دق الجرس وماتدرين الا وهي طابة عليك او تتصل وتقول انا قريبة وبمرك الحين ماتدرين الناس وش ظروفهم يمكن تطبين في وقت مو مناسب او تكون تعبانة والا مشغولة يمكن البيت محيوس:angry: يمكن ماعندها شي تضيفك اياه ماشرت مقاضي وتحرجينها وبكذا تكونين ضيف ثقيل بعد

انتبهي زييييييين لوقت زيارتك :time:هذا اكثر موضوع يكرهني ببعض الناس تواعدني تجي بعد المغرب او على الساعه 7 او 8 وماتدخل عليك الا 10 يعني غير انها مااحترمت المواعيد طبت في وقت متأخر معليش انتي مو داخله عرس والا كازينو انتي رايحة لبيت يمكن اهله يداومون يمكن مايحبون السهر لازم تحترمين موعدك يعني اذا هي عزمتك وقالت تفضلي الساعه 9 روحي عالوقت مو تروحين الساعه11 ترى هذا مايمت للذوق والاتيكيت بصلة حتى لو طبعك تزورين متاخر اعطيها خبر وقوليلها يناسبك الساعه 10 مثلا يعني اتفقي مع صاحبة البيت عالوقت الي يناسبها هي واحترام الوقت يدل على احترامك ورقيك:26:

مره عزمتني وحدة على عشا في بيتها وقالتلي الله يحييك الساعه 9 وانا بالضبط وصلت عالوقت وكنت اول وحدة ولااحد جا قعدت مع الادمية ساعتين ومحد جا اول وحدة جات بعدي جات الساعه 11 والعدد اكتمل على 12 البنت كانت مرررررره متضايقه العشا جهز بدري لكن وقتها محد جا على بال ماقهوت الضيوف وقعدنا الا العشا بااارد وطعمه رايح بذمتكم هذي مو قلة ادب؟؟؟؟؟ يمكن صار ظرف مع وحدة او ثنتين بس استحالة 15 وحدة كلهم ماقدرو يجون عالوقت


بالمقابل ابيكم انتو بعد تتكلمون عن الاشياء الي تزعجكم في الي يزورونكم وبسببها ممكن ماعاد تستقبلون هالشخص او اذا استقبلتوه يصير ضيف ثقيل عشان نستفيد من بعض وننتبه لتصرفاتنا:26: