تصرفات خادمتي احتاج مشورتكم

السلام عليكم
اخواتي الغاليات حابه استشيركم وراح ادخل بالموضوع على طول استقدمت خادمه افريقيه جنسيتها على مااعتقد غانا طبعا عندي ثلاث اطفال والرابع في الطريق وعندي طفل احتياجات خاصه
وانا اكره الخادمات لكن لضروف حملي وطفلي اضطريت استقدمها وساكنه في منطقه مافيها لا اهلي ولا اهل زوجي المهم اول ماجتني علمتها وكنت اصبر عليها ومعاملتي لها احسن معامله لدرجه اشاورها بالاكل الي تاكله واحيانا هي تختار لنفسها والنوم تقوم بمزاجها لااجبرها بوقت معين لكن الظاهر مايفيد فيهم الدلع طبعا هذي مقدمه بسيطه عشان احطكم في الصوره الي لاحظته عليها تجيها حالات تقلب نفسيتها معي مثلا تسفهني لاناديتها اذا طلبت منها تحرص علئ الشغل او تعيد الشغله الي ماتقنتها تقلب علي وتافف واذا جت ترتب بالبيت تغني بصوت واطي وتفرقع باصابعها مدري حسيتها مو مودبه او تبي تستفزني هذا غير حركاتها مع بنتي الصغيره تمسكها وتسالها اساله غريبه مثل بابا وين يروح ماما وين تحاول تسوي صداقه مع بنتي الصغيره عمرها سبع سنوات اما طفلي فهو حكايه ثانيه عنده تشتت وفرط حركه اذا قرب يخرب شي تصرخ عليه فهمتها كم مره تعامل طفلي باسلوب فهو مسكين مايفهم لكن ترجع تكرر وتصرخ عليه لدرجه يخاف منها انا جد متضايقه واحس نفسيتي تعبت جايبه الشغاله تريحني مو تلعب بنفسيتي وايضا اذا دخلت عليها بغرفتها القاها بدون ملابس الا سروال وبدي علاق والصدر كله طالع وفاكه شوشتها هذا المنظر استفزني كثير لكن سكت خوفت منهاوالي زاد همي زوجي رافض سفرها اوتغييرها يقول تحملي بصراحه احترت تفاجات باطباعها الغريبه عنا كيف اتعامل معها وهل تنصحوني اسفرها واستقدم جنسيه ثانيه من جد محتاره