تصرفات زوجه اخوي

صلوا على رسول الله
انا اكتب لكم وابي ردود عقلانيه الله يخليكم
انا اخوي تزوج اخت زوجي من ابوه طبعا هلانسانه كانت قمه قمه قمه لاكن تاخرت بزواج حيل لين وصل عمرها ٤١ كنت امدحها كثير قدام ابوي واالظاهز جازت له االمهم كلمه اخوي يبي يتزوج قام ابوي اقنعه باخت زوجي تدخلت بلموضوع انا ورفضت بشده لانها كبيره حيل واكبر من اخوي بعشر سنين اخوي عمره ٣٠ ومو جميله ابدا واخوي جميل المهم اقتنعوا ويوم شفت اخوي وافق سكت وقلت بروسهم كلمت زوجي وماصدق بغى ينجن وهي بغت تموت من الفرحه ماصدقت انا رغم معارضتي تمنيت لها الخير المهم بعد الزواج يبنات تتصرف تصرفات مره مخيبه للامل فيها اخوي على قدر كبير من الاحترام يعاملها وكان عمرها عشرين يحترمها احترام مو طبيعي وهذا طبعه معا البشر يعني لاتقولون انها عودته لا هو محترم معا الجميع بزياده وكريم جات من شهر العسل جالسين ونسولف اخوي يسولف علينا الا تقوم وتعيد كلامه بتريقه واذا تكلم قالت ذا كذاب لاتعطونه وجه اخذنا السالفه مزح يمكن كذا امي تضايقت حيل بس اكتمت واخوي بعد بان انه تضايق وناظرها بعين تخرع قمت انا غيرت السالفه وتلطف الجو جاتنا بعدها باسبوع نفس الشي اذا سولف اخوي تكرر كلامها وتتريق فيه يالله ذي وش فيها شوي الا تسب فيه تقول اخوكم مايحب المكان الي ينذكر فيه الله قمت ارقع السالفه لاني ابي الستر لهم لو تطلقت بترجع الشينه على حياتي المشكله اخوي يبان انه متضايق بس مدري وش يصير بينهم صارت بكل جلسه احنا فيها سمعت بمشكله بين زوجين تبدا تتفلسف انا لو يسوي فلان كذا اسوي كذا يعني تهايط وتطلع نفسها انسانه المسيطره كلمني اخوي امس بان نفسه طايبه منها ومن اسلوبها المشكله واضح انها تموت عليه بس مدري ليه هتصرفات كنت بكلمها بس امي حلفت لو وحده فتحت فمها بكلمه ماتسلم عليها لان امي مليان قلبها منها وماتبينا ندخل بينهم تقول اذا اصلحت لنفسها واذا استمرت بهياطها خلوها وتلقى نهايتها وكان امي تبي طلاقها فقالت لاوحده منكم تفتح معها سالفه بس تفرجو واسكتو انا عارفه طبع اخوي بيتحمل ثم يطلقها وانا لو طلقها بتنهدم حياتي عشان القرابه الي بينا محتاره هي ليه ماتحمد النعمه ليه تسوي كذا معا اني سالتها عسا اخوي مو مقضر وجاوبت الا بلعكس مدلعها ومعيشها اميره طيب ليه ماتحترمينه قلقانه خايفه من يصير بينهم شي وترجع علي وماقدر انصحها لان امي حلفتني واخوي بدا ينفذ الا نفذ صبره شيروني تكفين