تصرفات زوجي الطفوليه ،، وش اسوي معه ؟

السلام عليكم ورحمة الله وبركاته

الله يعافيكم ساااااعدووووني

انا ساكنة بمدينة
واهلي بمدينة ثانيه
واهل زوجي بمدينة

متزوجه لي سنتين ونص

ببداية زواجي سافرت لاهل زوجي وكانت هذي اول زيارة لهم
بعدها بفترة سألوهم الناس كيفها عروستكم ؟
قالوا جت وجلست مثل الضيوف لا طبخت معنا ولا ساعدتنا
بالعقل يعني عروس اول مره اجيهم سوو عشاء ومن بكرة سافرت
ايش ممكن اسوي بهاليوم ؟

عديتها وطنشت

وبكل زياره اروح لهم ادخل المطبخ بأساعدهم واحسس يتحسسون
مايبوني ادخل
اروح باسوي مثلا قهوه او شاهي يروحون معي للمطبخ
واحيانا يقولون حنا نسوي ،، او استريحي انتي ضيفه عندنا ومن هالكلام
وحتى زوجي ملاحظ هالشيء

ويوصل لاهلي كلام ان بنتكم مثل الضيفه عند اهل زوجها

قبل فتره وصلت حدددي من هالكلام
وقلت لزوجي ابي لي على الاقل غرفه وحمام ومطبخ صغير اخذ راحتي فيه
ومحد يراقب تصرفاتي ويطلع كلام عني
قال خلاص المره الجايه بيسوي لي مكان خاص فيني اذا سافر لهم
وما اروح لهم الا اذا خلص

واتفقنا على هالشيء

وقبل كم يوم قال بيسافر لاهله وانا ينزلني عند اهلي
وهو يروح يخلص شغله
طبعا اجازته اسبوع

يوم وصلت عند اهلي وتقهوينا قال يالله مشينا
يبيني اسافر معه لاهله
طيب واتفاقنا ؟
قال تغير ،، مستحي من اهلي اذا سألوا عن ولدي ليه ماجبته معك

قلت مستحيل اروح معك واصلا اسبوع كامل وين اجلس اتنقل من غرفه لغرفه

وزعل وكمل طريقه

وارسلي بالواتس

( اذا اهلك يبون لك المصلحة اشبعي منهم وخليهم يودونك لبيتك اذا كنتي تبين بيتك وزوجك )


بعدها بيومين ارسلت له كلام حلو وكذا

رد علي

( ما راح اسامحك واذا ماتبيني خليك عند اهلك )

وارد عليه بكلام حلو من قال اني ما ابيك
انت زوجي وحبيبي ومن هالكلام

قال خلاص اذا رجعنا لبيتنا نتفاهم
ونسولف شويات الا رد علي

( والله العظيم لرجعلك حركتك اللي انعادت مره وثنين وثلاث وبترجع اكبر مما تتوقعين )
( يا اما تتعدلين او اطلقك غيرك مليون )
( المره الثانيه اذا قلت امشي يعني تمشين )
( واذا خليتك تسكنين عند اهلك ماني برجال )

سؤالي انا هنا وش اسوي ؟
طبعا اهلي مايعرفون بكل اللي صار ؟
يعرفون بالكلام اللي طلع ،، وانه كان يبيني اروح معه ،، وانه سافر وهو اخذ بخاطره مني

تعبت من اسلوب زوجي الطفوووووولي
يغير رايه اكثر من مره
ويخاف من ردة فعل اهله ( طبعا هو يقول ماعليه من اهله ولا يحسب لهم حساب )
بس وقت الجد يخاف من كلامهم

قووولووولي وش اسوي اللحين
واذا رجع
واذا رجعنا لبيتنا