تصرفات صاحبتى غريبة ولا عادى ؟؟

انا عندى واحدة صاحبتى من ابتدائي
قطعنا فترة طويلة جدا وبعدين رجعت اكلمها تانى لأنها فى نفس المنطقة عندى وسهل انى اشوفها دة غير انى معنديش أصحاب حاليا
بس انا كل لما اطلب منها أننا نخرج أو تجيلى البيت يا اما تجيب معاها مامتها أو اختها الصغيرة انا بصراحة يتضايق جدا لما اقولها يلا ننزل المكان دة مثلا او تعاليلى البيت والاقيها جايبة معاها مامتها يعنى انا حابة تبقى خروجة ما بينا كاصحاب أو تجيلى البيت نقعد قاعدة صحاب مع بعض
دة غير أنها مبترضاش تخرج برا المنطقة اللى احنا ساكنين فيها بتقولى مبعرفش أخرج برا المنطقة


هى البنت كويسة جدا جدا وسوية نفسيا وعلى نياتها ومريحة نفسيا فى التعامل وانا بحبها بس اكيد دى حاجة مش مريحة بالنسبالى انى كل لما اخرج معاها تجيب مامتها كأننا اطفال واحنا ٢٧ سنة 💔
لو بعدت عنها كدة هيبقى صح ولا هبقى خسرت صاحبة كويسة ؟