تصرفات صديقتي(خطوبة وهمية+عدم احترام الخصوصية)

السلام عليكم ورحمه الله وبركاته
صديقتي هذي تعرفت عليها من السكن الجامعي وكـ اي صديقات تاخذي وتعطي مع صديقتك وتتطرقوا لكثير مواضيع وطبعا اكيد من ضمنهم الزواج ومتى نتزوج ونتمازح والحياه تمشي,وطبعا اجازه نهايه السنه كلنا نرجع بيوتنا وهي من رجعت وتدخل تقولي انا انخطبت وانا والله افرح لها وابارك لها بدوري وانصحها بصلاة الاستخاره لكن خلال شهر بس 9 تقدموا لها ورجعت من الاجازة وطلعت لامخطوبه ولاحد تقدم لها ولابسه خاتم بيدها وتقولي قولي للبنات انا مخطوبة انا والله استغربت يعني ليش هالتصرفات؟ لكن مشيتها وقلت لها مايهمج.
والحين معنا اجازة بين الفصلين ونفس الحاله دخلت علي وتقولي انا انخطبت وجالسه تعزمني ع خطوبتها وتقولي الملكة بعد اسبوعين وكيف عرفت الملكة بعد اسبوعين والناس بعدهم ماجوا بيتكم ع حسب كلامج؟ المفروض تحددي هالشغلات بعد مايجوا اهل العريس ويتم الاتفاق. ولاحظت يابنات انها فقط تدخل علي وتقولي هالكلام فقط عشان تقهرني او تحسسني بالنقص. وانا والله ولا عمري فكرت بهالطريقه نهائيا مع العلم اني صادقت كثير بنات لكن اول حاله تمر علي كذا. وهي من النوع الي اعاني من جراءتها باعتبار اننا في جامعة مختلطة وحركاتها بالجامعة ولكن والله احاول انصحها وارشدها لصحيح وهي بعضمه لسانها تقولي انتي كثير غيرتيني للافضل. لكن الي قهرني ورفع ضغطي اليوم سوت لي حركة واريد رايكم فيها هل من حقي ازعل ولا لا واريد منكم النصيحة عشان م اظلمها, انا شريت جهاز ايفون وانا ماعندي كثير خبره بالبرامج فهي عملت لي الايميل والباسوورد وامس راسله لي تقولي ان جهازها معلق وايميلها مال جهاز مسكر وطلبت مني الايميل لانها تقول انا حافظه كلمة السر لكن نسيت الايميل وانا فتحت المحادثه وثقلت لها وش سويتي الحين؟ ردت علي وقالت خلاص تذكرت ايميلج وكلمة السر مالج ودخلت حملت برامج, طبعا بالنسبه للايفون الايميل والباسوورد يعني (تقدري تدخلي كل برامجي وصوري ومحادثاتي وملفاتي وارقامي) والي يستخدموه بيعرفوا انا تضايقت كثير من الحركة وقلت لها مايجوز لج تدخلي بدون م تاخذي موافقتي وفوق هذا هي الي زعلت.
وهذا كثير وكثير مواقف تصير لي بسببها لكن الحين مقهورة من حركة الخطوبة الكذبية والدخول على جهازي بدون احترام الخصوصية, ووش نصيحتكم لي والسموحط ع الاطالة حاولت اختصر بقدر الامكان.