تصرفت معه بهذه الطريقة لعدم عدله

السلام عليكم ورحمة الله وبركاته بطرح موضوعي وهل انا اثمه الله يعينا على ذا الرجال........ انا متزوجه صارلي 17 سنه قبل سنتين تزوج علي وكان قبل الزواج يواعدني انه مايتغير علي وراح يعدل وطلع كلامه كله كذب......... من تجي ليلتي وهو بس يتميرض ويون ومايصدق اطلع من الغرفة لو دقيقه ورجع على طول احصله مسوي نفسه نايم وممكن يغصب نفسه مره وحده في الشهر والباقي بس مسوي تعبان ...قبل يتزوج علي كنت مافكر بذي الأشياء حتى لو اخذ اسبوعين بس بعد ماتزوج يعدل بكل شي عشان يعرف شنهو الزواج .........صار هذا وضعه قريب 10 شهور من بعد زواجه وكنت مره جالسه مع صديقتي وفضفضتلها بعدم عدله وانه مايصدق يجي يوم ضرتي عشان يروح لها قالت لي على فكره اقلب الطاوله عليها ......... اشتري حبوب من الصيدليه وطحنها وحطها له في مشروب او حتى مع بعض الاكلات ..استمريت على هذا الوضع من فتره احطها له بدون مايدري اخر شي بديت اخففها وماحطها له كل يوم لانه قبل شهر قالي انا إذا جيت عندك احس نفسي نشيط وإذا رحت عندها اختلف و ماحس نفس النشاط الي احصله معك ابغاك تحلفي لي على المصحف انك مانتي ساحرتني او مكلفه احد يسحرني وحلفتله ........
..،
.... وبديت اقلل و ماهو كل مره اغشه فيها يعني اول كان كل مايجي عندي الان كل بعد اربعه خمسه ايام... هل هذا الشي جائز لعدم عدله.....
،
. ..وهل انا اثمه .ممكن يأنبني ضميري بس عشان اخليه ياكلها ومايدري وهل هذه في ضرر على القلب قريت مره ان الافراط في تناولها يسبب امراض والي قاعده اسويه صح ولا لا