يا اختي هي دايم كذا ماتحب تصرف اشبك لها كلها 2 قيقا عز الله طارت من سنابات المشاهير
انا مليت دايما انا البقره اللي اعطي واعطي
وربي اني مع حريم اخواني اعطي بس اخذ بعد
انا لو طلبت منها خدمه ولا طلب فشلتني قدام الجميع
ماعندي ومابعطيك انا قلت اصير زيها معها المعامله بالمثل
تعبت اني انا البقره اللي دايم ينلعب عليها صرت مع كل انسان اعامله على حسب معاملته لي
بعدين يوم جا اخوي قالت له ماشبكت لي
قلت لها نسيتي من حمل العاب عيالك فالايباد والجوالات غيري كنت اخذ اجهزتهم بيتي احمل من شبكتي اللي يبون ماقد طلبتني يوم وقلت لا
وبعدين اللي تقول امكن ماتقدر تشتري هي تتصل عالبقاله عشان حاجات تافهه شوكلاته وعصير وشيبس تطلب كرت
هي عندها تفكيرها انا مارح اصرف يعني طلبت مني رفضت طلبت من حرمه اخوي الثانيه يعني بتمي تتطلب ما بتشتتري
طيب الحين يقولون الولد رايح سوق الخضره احد تبا شي تقول مابي
الايام بعدها تطلب طماط وبطاطس وخضار من حريم اخواني الثانيات
اللي بتقول ماعندها فلوس اهلي مرتاحين كثير الحمد لله
واخوي معطيها قدامي قبل يسافر حول 3 الاف بس هي الله يهديها تخبي تخبي لين متئ


انا ماني قاسيه هي خلتني كذا معها اروح السوق اسال بنات اخوي تبون شي
اشتري لهم اذا معي على حسابي عمه ابي كذا اقول لهم خذو اللي تبون كله على شان خاطر اخوي ومحبتي له
وربي احبها بس تعبت من دور الهبله

اذا تعرفينها بخييييله انا مالومك اكره الجعصييين لدرجة ابكي من القهر لاشفتهم قسم بالله ويبان بوجهي اي وحده تسوي موقف يدل انها بخيله اتنرفز وملامحي تتغير


اهم شي لاتخرب علاقتك باخوك وعياله وهي زبدي لها بس على خفيف يعني شدي وارخي لين تتعدل معك لاتخسرينها مره وحده لو عيبها البخل ولكن فيها حسنات ثانيه

هي عندها فضول وتدخل بما لا يعنيها وانتي عصبية بسرعة بتنزفزي ومعك حق تتضايقي بس كان المفروض تحافظي ع هدوئك وتفهميها


ع كل حال الله يهدي بالك ويصلح اموركم يا رب

تصرفك صح وواضح انه ماسويتي كذا الا انه دابلة كبدك منها
ماحد يحب الناس البخيله وفوقها تشحذ الله المستعان

كلكن مدري وش وضعكن 😂يختي لاتخلين احد يطلب لك وارتاحي وخلي عندك خصوصيه حتي بالسوق روحي لحالك ..ممكن ينفسونك بعين ولاحسد لاتتهني بفلوس ولاعافيه ..مفروض مبعده عنهم نهائي فالشرايا والاغراض وتتحفظين بقوه ولاتعلمين احد بمدفوعاتك ..العين حق