تصرفي صح او غلط ¥ ولدي ما يبغي احد يلعب بالعابه¥

السلام عليكم بنات
بنات أنا صار لي موقفين
مره كنت عند واحده من الزميلات وعندها ولد بعمر ولدي او اكبر بكم شهر
المهم كل ما مسك ولدي لعبه من العاب ولدها ضربه وأخذها منه
المهم هي ملت من ولدها وحطته في كرسي الطعام وسكرت عليه وقالت هذا صديقك خله يلعب عادي بالعابك
الولد مات قهر وكان يصيح لحد ما مل وسكت وولدي مستانس خذ راحته
وانا قلبي قارصني علي ولدها بس تقولي ما عليك خليه يتعود

والموقف الثاني صار في بيتي جتني واحده من البنات وصار كل ما أخذ لعبه ولدها يجي ولدي يسحبها منه
وممنوع يلمس اي شي وحالتها حاله تنكدنا ولا عرفنا نتقهوي الا يوم شلت الألعاب وصراحه ما هشت علي ولدي كنت اكلمه عادي وأقوله صديقك خله يلعب ومن هالحكي بس ما فاد .. كنت بأسوي مثل الي رحت لها واسكر عليه في الكرسي بس ما قوي قلبي .
ابيه يتعود ويأخذ علي المشاركه بس مشكلتي ارحمه..

هل موقف زميلتي صح وهل أنا غلطانه مع العلم ان ولدي عمره سنه وثمان شهور .