تصرفي صح مع هالرجل المريض او غلط

السلام عليكم ..كل عام وانتم بخير وسعادة يابنات
اليوم عيد وانا مو حاسة انه عيد ابد مخنوقة ومهمومه وحسبي الله على من كان السبب تخيلوا رفض يوديني لاهلي اعيد عليهم وقال ماعلد بوديك ولامكان لاسوق ولا تمشية ولازيارات ولا اي مكان خليك بالبيت ولا اشوف احد من اهلك يجيك او تطلبينه يجيب لك شي ولو احد فيهم عتب عند بيتي والله لاسوي لهم قضية مايطلعون منها وكل هذا بسبب اني مرة كنت تعبانه مع الحمل وجالسة اكلم بنتي انها لاعاد تنثر وتوصخ الغرفة وكل ماكلمتها تقول ماابغى وطفشتني وضربتها وزعل وجلس يخاصمني ويتكلم علي قلتله لانها ماتسمع الكلام والله ماغلطت عليه ولا تكلمت عليه بس قلت له لاتدخل بيني وبين بنتي لانه احيانا يضرب في ولدي ضرب جامد مع ان الولد مريض توحد ومايفهم اما البنت مايرضى احد يلمسها مع انها سليمه وتفهم ويقول لي لا تتدخلين انا المربي فكلمته بنفس اسلوبه قلت له انت من حقك تضربهم وتربيهم بس انا مو من حقي وش هالمنطق قام يقول انتي ماتستاهلين شي وانا غلطان اللي اوديك اي مكان كنا متفقين انه يوديني لأمي في الجنوب ..وقال انطقي ماني موديك لامك قلت خلاص اذا مابتوديني لاتجي تطلبني بأي شي لا حق الفراش ولا تنظيف بيت ولا طبخ ولا اي شي لاني جد تعبت كل مرة يزعل ويفتعل مشاكل لاسباب تافهه ويسبني ويلعني ويهينني بابشع الالفاظ واذا رديت ضربني واذا سكتت وزعلت في نفسي ومشيتها وقمت بواجباته برضو مايحس ولا يعترف انه غلطان بالعكس اذا شافني زعلانه وساكته يقول هذا عناد ويجلس يتحرش ويحاول يقهرني اخر شي قبل العيد بيومين اتصل عليه صاحبه وجالس يتشكى له يقول بنام ولحالي ويقول تعبت من هالادمية ورافضة تروح لطبيب نفسي ..وهو اكبر مريض نفسي كان متزوج قبلي وحده وجاها حالة نفسية وطلقها ...وبعدها هو تعب وجاه سكر وببداية زواجي منه قاللي انه كان يتعالج عند طبيب نفسي وكان ياخذ ادوية والحين جاي يحط البلا فيني وكل شي حلال هو يسويه ومن حقه بس انا لا ...وانقهرت اليوم كثير يعني منعني من السفر لامي ...وفوق هذا منعني اروح ازور اهلي وهم عندي بنفس المدينة اللي هم ابوي وزوجته واخواني ....
حسبي الله ونعم الوكيل ..المشكله ان ابوي مثله واردى ولا اقدر اكلمه او ألجأ له قاااسي بشكل فضيع ويدور الزلة علي مدري وش اسوي تعبت نفسيا وجسديا والله اخاف حملي يطيح من الهم والغم انسدت نفسي من الاكل والله احيانا اجلس ٢٤ ساعة مااكل واحيانا اغصب نفسي عشان اللي ببطني والحين محتاجه ادوية عشان الحمل حديد وكالسيوم ومايبي يجيب لي ولا يبيني اكلم اهلي يجيبون لي ..ادري كثير بيقولون انتي غلطانه تمنعينه من حقوقه بس كيف اتصرف معاه ومع اهاناته تعبت ماعنده احساس ولا دم حتى لو اسكت واقوم بواجباته بيظل يهينني ولا راح يحس بغلطه فكان لازم اخذ هالموقف القوي يمكن يصير يعمل حساب قبل يغلط ..
حسبي الله ونعم الوكيل