هل تصرفي مع جارتي صحيح او انا غلطانه ..
السالفه عندي جاره ساكنه بالملحق فوقنا لها يمكن سنه المهم جارتي الله يستر عليها كلامها كثير مره يعني تحش
مثال .. لها قريبه ساكنه ورانا وتسولف جارتي عنها تقول لي انها وسخه و عيالها مو مؤدبين و لاعبه ع زوجها ينفذ كل طلباتها و تحش فيها
المهم الحرمه قريبه جارتي اعزمتني و تعرفت عليها ماشاءالله العيال أدب و ملتزمه و نظيفه ومحترمه
يعني مدري ليش تكذب ع الحرمه
السالفه الثانيه لنا جاره ساكنه بالشقه الي قدامي
وجارتي الي فالملحق كل يوم تنزل عند الي قدامي و تسمر عندها و سوالف و و و واحيان كثير ما يناودني وانا اصلا ما يهمني
المهم مره جت جارتي الي بالملحق عندي و اجلست تسب في الي قدامي انها انانيه و مصلحجيه و و و تخيلو وهي ضافتها كل يوم المهم جارتي الي قدامي انقلت و حتى يوم انقلت ما أسلمت منها تخيلو لحد الان تحش فيها و تقول لي انتبهي منها ... استغفر الله
عاد جارتي الي بالمحلق الله يصلحها ازعاج تتصل علي يمكن عشرين مره باليوم و احيان تتدق الباب
انا اذ فاضيه و رايقه استقبلها و احيان لا
واذ جائني احد من اهل و أسمعت أصوات تدق علي تسال مين عندي وإزعاج
المهم انا من رمضان طفح كيلي منها ومن تصرفتها وأم وجهين
المهم عطيتها بلوك و صارت تتدق الباب ما افتح لها ابد ابي اقطع علاقتي فيها ما تفهم أني ما ابيها احيان أقول برسل لها رساله و أقول زوجي حالف علي ما أكلمها مدري والله كيف افهمها
مع أني قبل كنت ازورها و تزوني وسوالف و و بس عقب سالفه صارت في رمضان كرهت ام وجهين
هل تصرفي صحيح او أني ناكره للعيش و الملح
طبعا سوالفها كيثر بس انا اكتب باختصار لكل
انا ما احب الشخص الي قدامي بكلامي و من وراء ظهري بكلام
يلزم عليك تسجيل الدخول أولًا لكتابة تعليق.
انتي كان قلتي لها بوجهها بسس ب اسلوب قولي متى ماتبين تسولفين وتسهرين الله يحيكك لكن تاكلين في لحم الغير لا
يمكن تتوب او تحس الله يهديها
يمكن تتوب او تحس الله يهديها
والله الي تتكلم بناس أكيد بتتكلم عليك أنصحك لا تتواصلي معها اذا تواصلتي معها وهي تتكلم بغيرك انتي بعد تأخذي ذنب وإنتي فيكي خير لا تعطيها مجال بصداقتك
الصفحة الأخيرة
اتركيها ياختي خلاص لاتحتكين فيها دامها تسب جاراتها اللي كل شوي عندها ماتدرين وش بتقول عنك ..
او انصحيها إذا مافاد معها مالك إلا تقاطعينها الله يعينك عليها ويعافينا ولايبلانا