تصرفي مع حماتي صح او لا

هذا يابنات فيه وحده كبيرة نسبيا يمكن 50متزوجه من واحد يصغرها بحوالي20سنه هو راضي وهي راضيه بس الناس تدخل بينهم خلوة يطلقها بعدين رجعها بعدها اهله زوجوه وطلقها ورجعها المهم انا فيني طبع يركبني جني لاحد تكلم على احد قدامي بغير وجه حق صراحه الحريم شرشحنها وهي سيرتهن وشبعت كل جمعه نفس السيرة اخر مرة خلاص ماعدت اتحمل  كانت حماتي الي فتحت السالفه ويقلن ماتستحي رديت ولمعلوميه المرة الي يتكلمون فيها انا ماحبها ولاتحبني وبينا مشاكل بس الظلم محد يرضاه قلت لهن وانتن وش عليكن منها حياتها وهي حرة قالن عيالها ومدري وش قلت العيال كبرو وتزوجن البنات خلوها تعيش حياتها والي تقول عيب والي تقول حرام قلت لهن راحت سوت شي حرام قالن لا قلت زنت قالن لا قلت متزوجه ع سنه الله ورسوله حلالها قالن لا تركض وراه ولا غاب بس تدق عليه قلت زوجها انتن ماتكلمن ازواجكن بعدين انتم ليش مصرين ان حياه المرأه لازم تنتهي بمجرد ماتجيب عيال وتطلق او ترمل قالن عيب قلت لا مو عيب والي تقول حرام الدين حرمة قال حرام المرة لاتعدت الاربعين ماتزوج هاتي دليل او اسكتي كلن حر بحياته وش عليكم منها قالن لا ماتزوج واحد كبر عيالها قلت هو راضي وهي راضيه وش حاركن انتن المهم سكتن وشكلهن زعلن علي وامي تقولي كان سكتي وشو له تجيبين لنفسك وجع الراس وتخلين الناس تكرهك انا عندي مبدأ الي يتكلم قدأمي يتكلم فيني من وراي بعدين حطيت نفسي مكان المرة وربي قطعنها تقطع طلعنها من مله محمد امي تقول اسمعي واسكتي تصرفي صح ولا اسمع كلام امي واطنش صدق احس معاملتهن لي تغيرت