تصرف اخواني لما عرفوا بخطوبتي >> ابي تفسير تعالو

الأسرة والمجتمع

شلونكم حوائيات
بابدأ بالموضوع ع طول ؛
انا عمري 31 وبعد كم يوم باذن الله راح ادخل 32 انخطبت واعتبرها اول مره بحياتي بشكل رسمي والحمدلله ع كل حال مابه شي يكتمل
وهالرجال من أقاربنا مره بس أهله فيهم شوي شوفة نفس
المهم الموضوع أبوي كلم اخواني يبي يأخذ رأيهم توقعتهم يستانسون بس للاسف سوولي مشااكل لليل
اخواني الكبير والصغير كلهم رفضوا وهاوشو أبوي لان أبوي موافق
بس الصغير اكثر شي زعلت منه هو اصغر مني عمره 28
وعشان أوضح لكم (اخواني مب ملتزمين أبد ومقصرين والله يهديهم بس انه وضعهم الاجتماعي ماشاءالله
ماعليهم قاصر ويحكمون ع الناس بهالشكل وأزواج خواتي بعد نفس الحال وهالرجال نفس طينتهم تقريبا يعني مافيه مبرر لرفضهم )
واخوي هذا ملك من فتره قريبه ولما خطب استعجل بالملكة واهل البنت مب أقارب لنا أبد ولاحتى معارف بس دلونا عليهم ناس
قاله أبوي اصبر لا تملك الحين خل نتأكد منهم زين ونأخذ وقتنا قال لا ماله داعي نسال عنهم اكثر
لأنهم من طرف ناس قريبين لنا وثقة
ولما حدد الملكة حدد الموعد هو بلحاله وبعدين قال لأبوي ورغم رفض أبوي وزعله سوى اللي براسه وماسمع لأحد حتى ابوي وتمت الملكة الله يوفقه
والحين لما جا علي قال لا والله ماتاخذه قالهم ابوي اسالو عنه الكبير قال خلاص لاتردون لين اسال عنه اما الصغير رفض وقعد يهاوش ويصارخ وش تبي به وسب بالولد واهله وانه من الشباب اللي ينخاف منهم وكلام كثير وانهم مب كفو يناسبونا ووو
انا وقتها ماسمعت كل الكلام اللي قاله عن الولد لاني كنت جالسه بالصاله وهم بالصاله الثانيه واسمع صياح اخواني وهواشهم ع أبوي
وعور قلبي كلامهم وكلام ابوي بعد
هم مايبوني اتزوج هالادمي مادري وش السبب رغم ان ابوي بعد كلامهم راح سال عنه بعض أقاربنا اللي يثق فيهم ومدحوا الرجال
لكن ماتغير موقفهم مايبوني اتزوجه رغم انهم مادروا عني
وأبوي يبيني اتزوج عشان يفتك من همي
كان يقولهم البنت كبرت ماحدن مناظر بوجهها اذا كبرت اكثر واللي حاز بخاطري انهم هم اللي ردوا اللي خطبني يوم كنت توي 16س وزوجوه اختي بحجة الصغيرة ماتزوج قبل الكبيرة
ودي اذكرهم انهم هم السبب في تأخيري مب انا
والكلمة اللي عورت قلبي اكثر لما قالهم شفتو فلأنه ( اعذروني ع القصة لكن الله يشهد اني ماكتبتها الا عشان تفهون وش اللي قهرني )
وهذي البنت من جماعتنا
الله يسامحها ويغفرلها ولنا من قبل كم سنة تعدت الثلاثين وضعها كان قريب من وضعي توفت امها وخواتها كلهم متزوجات وعاشت مع ابوها بس وكانو اهلها يرفضون يزوجونها عشان هالمستوى الاجتماعي اللي ذبحهم وبالأخير حبت واحد وحملت منه واضطر ابوها يزوجها له
هنا انا انصدممممت ابوي يعرفني زين من بعد وفاة الغاليه امي وانا وهو عايشين بلحالنا وصرنا قرراب من بعض مره وعمره ماحسسني انه متضايق من قعدتي بدون زواج ويعرف اني مااطلع من البيت ولا اروح ولااجي ولا لي صديقات ولااحد شلون يضرب هالمثل ليش كل بنت يتاخر زواجها تروح للغلط ؟
عتبت ع ابوي لهالدرجة مب واثق فيني
طيب شلون وهو اللي ساعدني بدراستي للماجستير وبفضله بعد الله صرت اطلب علم شرعي وأنجزت أشياء كثير تشرف بمساعدته لي والحين يشوفني كذا
طبعا انا أراقب الوضع واكتم بنفسي ماابي اسوي مشاكل معهم
لكن والله انه حتى النوم مب قادرة انام من تصرفاتهم ومن الكلام اللي سمعته
مره محتااره مابي أوافق وادخل بمشاكل مع اخواني واصلا يكفي فرحتي ناقصة بغياب امي ماابي بعد اطينها بمشاكل مع اخواني واذا رفضت طبعا راح اكمل عمري وانا حاسة اني عالة عليهم خصوصا بعد كلامهم
32
9K

يلزم عليك تسجيل الدخول أولًا لكتابة تعليق.

تسجيل دخول

هدى الشام
هدى الشام
الاهم والدك طالما سأل ومدحوا الرجال وافقي واتمسكي بموقفك واتكلمي مع اخوانك بحضور والدك ...لا تخجلي تمسكي فيه...دافعي عن حياتك بكره ماتدري ممكن يخطبك اسوء منه تلاقيهم موافقين ويقنعوكي لا تتنازلي ...الله يوفقكك
هدى الشام
هدى الشام
والدك لما ضرب مثال بالبنت المستوره يقصد يحزن ويخوف اخوانك عشان يوافقوا ...هو عارف ان بنته حصااان رزان
بائعة المسك
بائعة المسك
يقولون دااااايم لي
كل سيء يطلع بلاوي السيء مثله
يعني اخوانك عذرا سيئين مو صالحين ودامهم اشتاطرا يوم جاء ذا الا عم ادرى فيه مايطلع هبث الخبيث الا الخبيث زيه


لي قريب سيئه مو صالح
وكل مانخطبت اخته مرات مايقول ومرات يرفض
مره رفض قريب لهم رفض قاطع وحلف واقسم لو تاخذه لاذبحها مانبيه مو زين لاختي طيب قلنا وش فيه مايقول بس مابيه
ماخذته اخته
بعدها طلع بلاوي الخاطب ذا راعي بنات


بعدها خطبها واحد اخوها السيئ معجب فيه وقال هذا ممتاز انا موافق
بس لها اخو كبير رفضضضه مع انه صالح الخاطب واخوها الكبير صالح بس يبي واحد على مزاجه يبي واحد له صفات معينه بالشكل المقصد يعني يبي لحيه وثوب قصير قالوله هذا الهاطب صالح ويصلي بالمسحد ويجمع فلوس من شغله ماياهذ من اهله ريال قال ماعجبني قالوله اخوك الصغير معجبه ويعرفه يقول امدحه لكم قال دام اخوي مدحه احل مثل اخلاقه زفت قال اخوه انا زفت اخلاقي بس ماراح اقبل ازوج اختي واحد اخلاقه مثلي زفت عشان كذا انا هددتكم باللي خطبها الاول لاني عارف انه مثلي وحنا يالشباب نعرف عن بعض


لكن الكبير معند ولا تتزوجه ولا يهمني ابوي امي
لكن البنت صارت كل يوم تصلي صلاة استخاره وتتحسب على اخوها بصلاتها انه يبي يحرمها تاخذ اللي هي موافقه عليه ومرتاحه له
الحساب على قد الظلايم
الحساب مو موت الناس يحسبون انه اذا تحسبت على شخص يبي يموت لا الخساب على قد ضلمه راح يصد الله عنك ظلمه عليك
صارت تتحسب على اخوها الكبير
والله جلس الرجال 6 شهور معلقينه لا قالوله لا ولا ايه وهي طولت الست شهور مستمر بصلاة الاستخاره
واخوها الكبير قاسي وشديد مستحيل يوافق وهي ايمانها بالله كبير وواجهته قدام امها وابوها
قالت انا مايهمني الرجال اللي جاء يخطبني بس كل من خطبني ترفض تبي رجل على مزاجك انا مو بنتك عشان تتحكم فيني انا اللي بس اللي يرفض واللي يقبل وعناد فيك هذا الرجال انا موافقه عليه
قالها منتب ماخذته وانا مو رجال لو خليتك تاخذينه قالت راح اخذه باذن الله دام لي رب فوقي وفوقك مارح يضيع ثقتي فيه
والله وغصب على اخوها الكبير تزوجته البنت مارقف معها لا ابوها ولا امها ولا اخوها الصغير ضد اخوها الكبير كلهم قالوا مابيدينا شي
بس سبحان الله عزوجل استخارت الله كل يوم 6 شهور تستخير يوميا حتى لو عليها الدوره تقول دعاء الاستخاره
عشان لو فيه شر الرجال ابعده الله لو فيه خير لها ثبته الله وزوجها اياه غصب على الكل


وتزوجته والحمدلله مرتاحه معه يحبون بعض ورزقهم الله خمس اطفال وزوجها مريحها ومسعدها


لذا مايستفاد من قصتي 😅
1- الاستخاره هي سبيلك
2- لا ابوك ولا اخوك ولا احد يمنعك اذا الله كاتبه من نصيبك
3- اذا فيه شر لك هالرجال بالاستخاره يبتعد عنك باي طريقه
4- اذا فيه خير لك بالاستخاره راح يصير زوجك رغم الكل
5- الزززززززبده خليك على الاستخاره وخلاص 😅
عذبة الاوصاف
عذبة الاوصاف
استخيري واذا مرتاحة خليك مع اوبوك واذا سالوك لاتستحين وقولي موافقة عيشي حياتك وكوني اسرتك هم كل واحد فيهم عايش ومرتاح وجاي يقرر عنك دام ابوك موافق وسال عن الرجال خليك تحت شورة
ماسة زرقاء
ماسة زرقاء
ابوك قصده يخوف اخوانك من ناحية القصه ماتوقع شاك فيك لانك تربيته
اخوانك طنشيهم قولي لابوك ايه موافقه