تصرف خالتي معاي جد وقح؟؟؟؟؟؟؟؟؟

الأسرة والمجتمع

:26:اهلين بنات كيف الجميع انشاء الله الكل بخير وعافيه؟؟؟؟
بنات جد اليوم مره مقهوره مدري وش اسوى كيف اتصرف
راح اقولكم الموقف وابي اسمع ارائكم
اليوم الظهر دقت خالتى ام زوجى علي وقالت لي يانهى ترى اليوم بنروح نزور بنت عمتنا
انا بصراحه استغربت
اول مره خالتي من تزوجت تقول تعالي معنا في زياره اصلا جمعة اهلهم اللى عمانهم وعماتهم يجتمعون ما قد قالو لي تعالي معنا على شان كذا انا استغربت وخفت شوى لانى مو لسه متزوجه انا
لي قريب سنتين متزوجه
ما قد سوتها معاي ابد وغير كذا قالت لي يانهى اكشخى والبسي طقم زين وحلو
انا قلت وش تبي ذى خصوصا انها زياره مو عزيمه ولا شي مسيار قهوه العصر
المهم انا قلت انشاء الله
رحت ولبست فستان نعوم حلو ومالبست طقم لبست تعليقه فخمه وحلوه وساعه حلوه واستشورت شعري وقريت وردي ورحت
اول شي رحت لبيت اهل زوجى طبعا على شان نروح جميع الا خالتى داقه الزين والبنات كأنهم رايحين حفله
وخالتى نفخت بوجهى ليش لبسك كذا ليش بس مستشوره شعرك وليه ما لبستى طقم انا مالقيتها بال وقلت ما امدانى وانى كنت في بيت اهلى ومدري ايش
المهم رحنا لبنت عمتهم تخيلو مافي الا عمتهم وبناتها ثلاث بس محد جاء انا قلت ممكن جمعا كبيره ولا على ايش هالكشخه كلها
ومادريت الا عمتهم قامت تشره علي ياكافي ما نشوفك منتب تبين تجين عند جمعتنا تراك لسه ما شفتى خيرنا من شرنا كل ما سألنا ام زوجك عنك قالتلنا ما تبي تجي ليه يا بنيتى وش بنا
انا طيرت عيونى اصلا ما عمرهم قالو لي تعالي معنا حتى اذا صار العشى عليهم بالجمعه ما ينادونى
قلت والله ياعمه ما دريت قالتلى الا داريه بس اف منكم ياحريم العيال تخيلو؟؟؟؟؟؟؟؟؟؟؟
المهم عديناها مع انى عصبت من حركتهم البايخه قولو ما راح تجي انشغلت لا تعلمونى بس لا تفضحون بي عند الناس
يوم جلسو شوى يحكون وجت مرة جيران بنت عمتهم ومعها مرة ولدها وكانت كاشخه مرره الا خالتى تقول ولدى تركى تعبنا وحنا ندورله(( تركى زوجى))
وان تركي يستاهل و......و........و واننا لقيناله مرة ولدنا شوفو النصيب والله انه داخلن على ناس وناس بس شوفي النصيب ما عجبته الا نهى
انا بغيت اقوم اطب في بطنها خير يعنى مو عاجبتك
بس مدري كيف مسكت نفسي اثرها الحرمه جايه استعرض عند عمتهم وعند مرة جيران بنت عمتهم
وما غير حنا حطينا وحنا سوينا شفتى يا فلانه نهى
وترانا ندلعها وترانا نحطلها ومرة جيرانهم تردح مثل خالتى ايه ياحبيلها مرة ولدى حتى انا شوفي لبسها شوفي وش جبت لها
انا قلت هالزياره من الاول مو لله وجيت لبيتى انا واصله معي جد موقف بايخ
يعنى جايبتنى على شان تستعرض الاخت مو حب فينى والله عالم :26:
28
3K

يلزم عليك تسجيل الدخول أولًا لكتابة تعليق.

تسجيل دخول

غلازايد
غلازايد
فديت قلبج
لا تزعلين نفسج ولا تحطين في بالج اذا على هالحركه تراها هينه صدقيني اسالي مجرب انا شفت الوييل
بس على شان خاطر عين تكرم مدينه
بساط الريح
بساط الريح
عادي حبيبتي ولا تزعلين اذا على كذا هينه
واغلب امهات الازواج يحبون يكشخون بحريم عيالهم و بالعكس هذي لصالحك مو ضدك
رياانـة
رياانـة
الله يصبرج احمدي ربج دامج بعيده عنهم احسن لج

وطنشي لانهم ماراح ينفعونج ولابيضروج بشي الله مب كاتبه لج
كلي دلع000
كلي دلع000
طنشيهااا هي لو كان فيها عقل ماسوت كذااا

وكل المساله غيره صدقيني
ام حمدان ومحمد
خخخخخخخخ هم كدا الحريم انا كانت حماه ام زوجي تبغي تخطبني يعني تبغاني لعم زوجي وسمعتها ام زوجي وسبقتها وخطبتني وصار نصيب وعاد شوف الجكر والحركات لما عندها عزومه تخيليني اكشخ على الاخر وقدامها تهتم فيني او العكس تقللي جيبي وحطي يعني شوفي انا اقويه بس مشيت حالي لين طاح اللي في راسها