السلام عليكم ورحمة الله وبركاته
كل عام والجميع بخير وصحه وسلامه
لفت انتباهي تصرف حكيم من امراه واعيه في يوم العيد والسالفه وما فيها
اجتمعت عائلة الفلان وكل شجرة العائله اجتمعو في هذا اليوم المبارك
وكانو مسوين طلبيه لوجبة العيد من خمسة عشر رمضان وهي عباره عن ذبائح وخيرات
المهم حطو العيد في الساعه التاسعه صباحا وهذه عادتهم كل سنه
اكلو الرجال
واقلطو بعدهم النساء كالعاده
طبعا مع رميهن جميع الي قدامهن بالسماط وكل وحده تتخيل من الي جالس هنا وبعضهن تسال ولدها وين جالس ابوك ههههههاه علشان تضمن نظافة المكان شكلي طلعت عن الموضوع نرجع
المهم جلسن واكلن لين تشققت بطونهن من الشبعه
والي تقول جيبو بيره تخرط والي تبي شاهي اخضر
ماادي ليش من الاساس ماخففت الاكل ؟
قامو من الاكل والصحون مليانه لانها كثيره فعلا وبعض الصحون ماعليها الااثنتين
طلعومن الطعام وكل واحده تصوت لشغالتها
تعالو شيلو الطعام ونيتهم رميه لانهم خلاااااااااااص طافحين من الشبعه
وطلعو من المقلط ودخلو الشغالات كالعاده
وجاء دور هذه المرأه الحكيمه
وكانت واقفه وتشاهد تصرفات تلك النساء الاتي منقرفات من ريحة الاكل من زود الشبعه
وواحده منهن قالت وهي ماشيه اتصلو على الجمعيه تأخذه
طيب ليش انتي ماتتصلين ؟
المهم عندما خرجن من صالة الطعام
قالت للشغالات
جيبو قدور كبيره وجابو لها القدور ووضعت اللحم في قدور والرز في قدور اخري
وكان بالاستراحه بردات كبيره ووضعت القدور فيها وباشرافها وتنظيف الرز واخذ منه النظيف فقط
وجلسو بالاستراحه وقبل المغرب طلبت من الشغالات ان يحملون معها القدور الى المطبخ
ووضعتهن على نار هادئه الي الساعه التاسعه
وكانو من الساعه العاشره صباحا متعيدين يعني الان ميتين من الجوع
اتصلو الرجال كل واحد على زوجته وش تبون نطلب لكم عشاء؟ تبون وجبات خفيفه؟ ولادجاج ورز ؟
يعني ايسو مافيه مفاطيح
وكل وحده تقول اي شي المهم ميتين جوع
اتصل زوج المرأه المدبره وسالها نفس السؤال وقالت لاياابو فلان تفضلو بالمقلط الاكل جاهز قال لها بسرعه كفو والله <<<<عاد هي تقوله, انا ماسمعت شي
المهم اكلو الرجال ودخلو النساءبعدهم ومبسوطين على العشاء الذيذ
هاه وشرائيكم بهذا التصرف
ترى ماهي قصه خياليه بل انا بنفسي شاهدت ذلك
----
عاد تصدقون وحده تقول لي استأجرنا استراحه ودخلناها الصبح
وحينما دخلنا صالة الطعام وجدنا الاكل على وضعه من البارح مفاطيح وباقي مويه وفواكه
؟؟؟؟؟
ياليت نفكر شوي ونشوف المجاعات الي يمين وشمال عنا
إذا كنت في نعمة فارعها فإنَّ المعاصي تزيل النَّعَم
---------
وبالشكر تدوم النعم
منقول
استغفرالله واتوب اليه