تصرف صديقتي !

الأسرة والمجتمع

السلام عليكم ورحمة الله وبركاته
اخواتي بستفسر منكم بخصوص موضوعي مع وحدة كانت سابقا صديقتي أنا من أربع أو خمس سنوات أمي تعبت وجاها شلل بسبب جلطة الله يشفيها ويعافيها ودخلت المستشفى بنفس الوقت ولدت صديقتي ولاعلمتني دريت من صديقاتي الثانيات هي مخبرتهم انا وقتها كنت مشغوله بأمي ومرضها والناس اللي يزورونها لما مر شهر أو شهرين وخفت الأزمة علينا مسكت جوالي ببارك لصديقتي واعتذر منها بسبب تقصيري معها بسبب ظروفي الا واكتشف إنها مبلكتني أنا لاأعلم مالسبب الا لما كلمت صديقتي قلت لها ليه فلانه مبلكتني قالت شكلها زعلانه ماباركتيلها قلت هيا عارفه ظروف مرض أمي المفروض اول الناس اللي يعذروني من هنا انا مابلكتها ولكن حذفت رقمها وقطعت علاقتي فيها نهائيا لانها ماتعبر صديقة انا بهذي الفترة تعبت وسويت جراحة كبيرة برجلي وبعدها أخوي توفى وبعدها بسنتين أختي توفت ولافكرت تزورني ولافكرت ترفع السماعة تعزي او على الأقل تشيل الصداقة اللي كانت بينا بيوم من الأيام الا فجأة من كم يوم اسمع ان فلانه تفكر تزورني لاني تعبانه وتسأل عن وضعي الصحي وتحاول تأخذ رقمي واعطوها رقمي البنات وارسلت علي انا عرفت رقمها من النمبر بوك ولكن تجاهلتها ولارديت عليها ولاأبي ارجع علاقتي لاني الصراحة شكيت برجوعها المفاجئ مادري تبي تشوف كيف وضعي الصحي أو سمعت عن صحتي وتبي تتأكد بالإضافة انا اكره الشخصية المتقلبة اللي بيوم وليلة تقلب عليك ولاتعذرك بظروفك
السبب من ذكري لقصتي أبي أرائكم لو مكاني أنتم هل تتصرفون نفس تصرفي أو لكم وجهة نظر أخرى وجزاكم الله خيرا
29
6K

يلزم عليك تسجيل الدخول أولًا لكتابة تعليق.

تسجيل دخول

منال الشمال
منال الشمال
شكرا اختي ع ردك ربي يسعدك
زينة_07
زينة_07
لاتشغلي بالك بسبب تغيرها ابدا الناس مختلفة التفكير والله اعلم بالسبب
لو انا مكانك اسوي نفس اللي سويتيه انك مارديتي عليها
والله يعافيك ويشفيك ولا يحوجك لحد
د فارسة الإسلام
د فارسة الإسلام
وانا لو مكانك مارديت عليها ولو طلبت زيارتي ارفض
خليها تولي
اجل اخوك وأختك متوفين ولا عزتك وامك تعبت ولا واستك
والقهر جايبه بزر ولا بلغتك وتتشره عليك
اجل تعرفين من الناس وتبغاك تباركين لها ومسويه لك بلوك
لو صديقتي بقول الباب ياسع فيل مًو بس جمل ولايمكن أرجعها لحياتي
كان على بالي
كان على بالي
فمن عفا وأصلح فأجره على الله انا اشوف عادي كلميها هي مجرد رسالة وردي عليها بكلمة ورد غطاها وخلاص
m's noof
m's noof
الله يعظم اجركم ويجعلها اخر الاحزان ان شاءالله ...
رغم ظروفك الصعبه والمصايب تركتيها ع جنب وموقفه الدنيااا ع صديقتك !!!
هل هي اهم من اللي فقدتيهم ؟؟؟
هل تسمينها صديقه ؟؟
هل انتي بكامل عقلك لازلتي مهتمه فيها وتطرحين موضوع عنها ؟؟؟
مفروض تعلمتي من الحياه ماتعطين احد اكبر من حجمه اللي خلقها خلق احسن منها اكيد حولك ناس تستاااهل تعطينهم هالاهتمام بدل هالانسانه