تصرف غريب من اهل زوجي

السلام عليكم

يابنات انا لي والده 3 شهور تقريبا والى الان اهل زوجي ما شافوا بنتي ولا اي احد من جماعتهم

مع انه بولادتي السابقه زاروني هم وكل اهلهم وقرايبهم واللي ماقدر يزور كلم بالتليفون ها المرة لااحد زار ولاكلم

امه واخواته زاروني بالمستشفي 10 دقايق ولاشافوا الطفله ولا اهتموا بها

ليش ياترا انا صح ما اتفق مع بعض خواته بس علاقتي بهم تعتبر ماشيه وزوجي قايم بشوون خواته ويحبهم ودايما يحتاجونه بمساعدتهم وما يقصر معاهم

عاده هم يزورون الوالده اكثر من مرة بالبيت ويجيبون هدايا فخمه وشي انا شفت هالشي يعملووه مع سلفاتي وبنات عمهم وكل قرايبهم ايش معنى معاي لا !!

حتى ابوه مازارني بس كلمني بالتليفون مع اني اقدرة كثير وقبل مده كان منوم بالمستشفى زرته واخذت معاي هديه وانا الوحيده اللي جابت له هديه مع انه زوجي قال ماله داعي بس انا احبه قلت لازم اخذ له هديه وهو حتى مازارني

وسلفاتي كمان ما زاروني بس بالمستشفى على الماشي مع اني ازورهم بالبيت واخذ معاي هدايا فخمه

انا قلت يمكن اخواته بعضهم مااتفق انا واياهم عشان كذا شوشوا علي بس ايش علاقه الاب ما يزوراني

السلفات ليش ما يزوروني !! وحده من قرايبهم هي صديقتي وكلمتني وقالت ابزورك ولا زارتني الى الان كلمتها ابسال عنها وابحدد لها يوم تزورني ماردت علي ارسلت لها رساله ما جاوبتني ليه ياترى مع انها متحمسه لزياارتي من قبل لا اولد


بنات عمهم علاقتي كويسه بهم ليش ما زاروني مع اني اؤدي الواجب معاهم وعلاقتي بهم احترام كبير

انا بصراحه الى الان ما فتحت مع زوجي الموضوع ولالي رغبه اكلمه فيه

انا حااسه انه في شي بس ما ني عارفته