تصــويت لافضل نادي صحي **في جده**

وعليكم السلام

أنا مشتركه في نادي مستشفى الدكتور عبدالرحمن بخش .. أشتراكي 12 زياره خلال 6 أسابيع بـ 350
وإشتراك الشهر بـ 550

أنا اروح في الاسبوع 3 مرات لاني مو فاضيه ..

بس الصراحه مو قد كذا .. ومافيه مسبح ..

000

قريت في منتدى ثاني عن نادي مستشفى السعودي الألماني إسمه ( قولدن قيم ) وحده تمدحه مررررررررررره
تقول انه خيال روووعه .. بس اشتراك الشهر بـ 1000 وعليها أظن 1200 أو 1600
وقريت إن اشتراك السنه 3000 وفي وحده ثانيه تقول بـ 5000

إذا بـ 3000 روووووووعه توفير من جد توفير
أما إذا بـ 5000 غالي حبتين

إذا تبغين تعرفين عن النوادي اكثر سوي بحث في قوقل عن المستشفيات اللي بجده وخذي ارقامهم وأسأليهم عن النوادي تبعهم .. وبس

اعرف وحده دخلت جولدن جيم تقول رووووووووووووعه

انا دخلت سليمان فقيه سباحه فقط

لكن سالت الموظفه قالت لي
الشهر 100 ( سباحه ايروبكس جاكوزي سونا واجهزه )

3 اشهر 1500
6 اشهر 3000

بس صراحه رووووووووعه متكامل ورايق ورااااااقي وجوالات الكاميرا ممنوعه والمدربات تمارينهم رااااااااااائعه

واحلى مافيه مواعيده من 9 الصباح الى 9 الليل تروحين باي وقت

اب بجد محتاجين لهذا الموضوووووووووووع
وتقريبا المستشفيااااااات كلها فيها نوادي في المستشفى الالماني قالولي ان الاشتراك ب700 الشهر تقريبا والجولدن جيم الاشتراك الماسي ب5000 ويكون لك اعتقد وحده تمشي معاك بنمنشفه ومن هذا القبيل تدليع يعني والاشتراك العادي ب3000 ومافي تدليع عادي يعني ومافي تقسيط كله كاش وفقيه يمدحوه وجده الوطني يسبوه وفي صوالين تجميل زي دوتشي اند لوتشي اعتقد كذه اسمه وكمان قريت في الوسيله عن مركز وعود وهو مركز تجميل والشهر ب350وهذا كله ولسه ماجربنا شي ننتظر التجارب الشخصييييييييييييييييييييه

يعطيكم العافيه وما قصرتوا ولا يحرمني منكم يابنات الفزعات على قولتهم
وجعلها الله في موازيين اعمالكم00
ومشكوريين على الرد السريع وسرعه الاجابه لا حرمني منكم0 اميــــــــــــــــــــــــــن

وعليكم السلام ورحمة الله وبركاته

ما شاء الله تبارك الله.. عجبني الموضوع
في مستوصف ياسر الطبي بس نسيت بكم الإشتراك
مافي مسبح بس تمارين ايروبكس وتمارين عالأرض مع المدربة لمدة ساعة تقريباً
وفيه الأجهزة تبع الرياضة للي تحب تمارس عليها
وكمان كانو بيعملو جلسات زي التدليك بأجهزة يقولو إنها تفتت الدهون
وطبعاُ تشوفك الدكتورة أول ما تسجلي وتعطيكي نظام غذائي وياخدو وزنك وطولك
طبعاً هو مو نادي بحد ذاته يعني له مدخل خاص مثلاً أو ما شابه لأ
بس كأنه زي الشقة في داخل المستوصف نفسه
وسمعت عن مركز أعتقد إسمه شامل يمكن بالعربي وبالإنجليزي شاميل
المهم هذا موجود في التحلية وهو على مستوى وراقي جداً
بس مدري بكم الإشتراك فيه.. إن شاء الله أحد يفيدنا