تصميم المطبخ يوجد صوره

صممي مطبخك بالطريقه الي تحسين انها مريحه لك عند التحرك به
وصدقيني انتي راح تعرفين وش تحتاجين ووين تحطينه
انتي قولي لنفسك مثلا ابي درج البطاطس هنا عشان كذا , ومكان القدور هنا عشان كذا .... وهكذا
ولا تغفلين عن الادوات الي تستخدم بشكل يومي وبين الي تستخدم اقل
وبكذا يتنسق معك المطبخ من احسن ما يكون لانه على مزاجك
هذا رأيي

كم مساحة مطبخك 
مطبخ مفتوح ؟
لو مطبخك مغلق الجزيرة راح تضيق المطبخ
ادراج السحب خليها جنب البوتجاز

الطاولة الي موجودة بالنص ماحبيتها,جاية بالطريق خاصة انك بتروحين وبتجين عالثلاجة, لا تحطين شيء يضيق المطبخ... كل ماصار وسيع كان افضل للحركة

سلة البطاطس وغيرها ابعديهم عن الاماكن الحارة, يعني لا تلزقيهم بالثلاجة اذا اطرافها حارة, ولا قريب من الفرن...

درج التنظيف والشغلات هذي زي الي بالصورة, ابعديه لمكان مايكون بطريقك لانك ماتحتاجين هالشغلات وقت الطبخ, ماتحتاجينهم الا باخر شيء للتنظيف...

بالنسبة لي درج القدور احبه جنب الفرن اسحب منه وهو جنبي... والمغسلة احط بجنبها الصحون الثانية حتى اجفف وانزلهم مباشرة

يعطيكم العافيه
المساحه تقريبا 5في 4
بنسبه للكونتر اذا الغيتها لازم احط طاولة طعام فقلت الكونتر اخف شوي من الطاوله
والمطبخ مغلق

سلال البصل والبطاطس سويها تحت الكاونتر أنا سويتها كذا وطلع مناسب واستفدت من مساحة مطبخي

تخزين المواد الغذائية الأفضل لو يكون دولاب طويل بسلال معدنية سحب يخصص للمواد الغذائية وفي الغالب يكون عند التصميم في أطراف المطبخ مثلاً بعد الثلاجة ولو ما فيه إماكنية ممكن تخصصي الدرجين اللي تحت المايكرويف للتخزين

ودولاب المنظفات نفس الشيء ما عندك مكان مخصص في المطبخ لها أنا حاولت اسوي بس ما في مكان وعلى فكرة تاخذ مساحة على غير فايدة سوي في الدولاب اللي تحت المجلى رفوف تتثببت في الدولاب تكون للمنظفات الفيري والبخاخات والفوطة والليفة واشتري صندق تخزين وسط في إيكيا ودخليه داخل الدولاب يشيل لك الباقي وأما المكانس ثبتي نفس الرف اللي بالصورة حامل المكانس خلف باب المطبخ وراح يشيل لك كل شي فيه تاجرات يبعوه

دولاب الصياني اشوف أنسب مكان له هو الدولاب اللي يسار المجلى ويمين الفرن

وربي يوفقك يا عسل بأحلى مطبخ :)