(تصميم ) انشر تؤجر..تحذير من أرز أبو كاس الراعي الرسمي لـــ..........!!!!

يا أخواتي

خلونا أولا نقاطع من نحن أحوج بمقاطعتهم
أمريكا والدنمارك


ثم إن رز ابو كاس ويشهد الله علي اني ماقول ولا كلمه كذب وان الكلام من مصدر موثوق
من أكبر المتبرعين للمؤسسات الخيريه والداعمين لكل الاعمال الخيره والاسلامية..

وصاحبها بابكر رجل فيه خير..

أتقوا الله واسألوا المشايخ الكبار الذين لهم خبرة وهم يفيدونكم
لكن نقاطع من أجل مسلسل يشاهدونه الناس ويشتكون عليه ويأمرون بمقاطعة الراعي ..
إذن لنقاطع هايبر بندة وكل محلاة بندة لانها للوليد والوليد هو صاحب روتانا ..!!(مثال)

صحيح انهم تمادوا في الاستهزاء لكن الله وليهم ..أنقاطع أناس مسلمون تجارتهم حلال وفيهم خير وهم متبرعون كبار (يتبرعون بالملايييييييييييييييين) للمسلمين ..


الموضوع يحتاج لإعادة التفكير فيه..

هذه وجهة نظري وأرجوا ألا يتضايق احد منها

ويعلم الله اني اريد الخير للجميع وليس لي مصلحه لا مع الارز ولا مع غيره..

والله من وراء القصد

ترى زودتوها .. كل يوم تقولون قاطعوا المنتج الفلاني وفاطعوا وقاطعوا وهذا فيه سم وهذا يجيب السرطان ... كفاية المنتجات الدنماركية المقاطعينها .. وش ناكل بعدين ؟؟؟
نص الاكلات تجيب الامراض ونص المنتجات في طريقها للمقاطعة ( اقصد الاكلات الثانية مثل ابو كاس على قولتكم ما اقصد الدنماركية .. لان الدنماركية مقاطعة بالتأكيد )
يعني صراحة اللي ما يعرف الدين بتكرهونه فيه بلا تشدد زااااااااااايد ديننا وسط ..
ولو قعدنا نطالع في البرامج ومين الراعي تبعها ونقاطعهم قسم بالله ما يبقى في الاسواق الا مويه وخبز .. شوفوا برامج الاغاني مين الراعي عليها شوفوا المسلسلات اللي افحش من طاش بمليووون مرة بس انتم حاطين طاش تحت المجهر .. مين الراعي تبع هالمسلسلات !!!

واااسفة على كلامي بس صراحة الشيء ما سار ينسكت عليه .. موضة هي والا وش !!

وشكرا صاحبة الموضوع لانه ادري انه كل هذا يدل على غيرتك .. لكن للأسف الموضوع ما فيه اي فاااائدة بالعكس هذا ينفر الواحد ..

أختكم
ماسة حساسة

والله صدقتوا يا اخواتي

اول شي خلينا نقااطع من يسبون الله ورسوله وامهات المؤمنين وصحابة رسول الله وبعدها ما نأكل رز او كاس او غيره

البنت ماقالت شيء غللط
المفروض نقاطع اي واحد يدعم هذا البرنامج
لانهم يستهزون بالدين وهم منا وفينا بس هذا احنا نقاطع الكفارررررور بس هذول اشد ضرر علينا وعلى ابنائنا من الكفاررررر
حسبي الله عليهم وعلى كل منافق

عادي ترى الي يسبون الرسول عليه الصلاة والسلام زيهم زي الي يسبون الملتزمين بالدين
واذا صاحب روز ابو كاس متدين ويتبرع اجل ليش يرعى برامج الاستهزاء بالدين
والي مستصعبين المقاطعه وماهم عارفين وش ياكلون اذا قاطعوا اقولهم ان الصحابه رضي الله عنهم قاتلوا اولادهم واباؤهم من اجل الاسلام
واحنا مو قادرين نقاوم الاكل عشان مو عارفين وش ناكل لو قاطعنا

جزاك الله خير اختي صاحبة الموضوع والمقاطعه اسلوب احتجاج حضاري
لان هالبرنامج اصبح تافه وماهمه الا الاستهزاء بالدين