منزل مبارك اختى
صراحه انا ماافهم فى هالامور التخطيطيه لكن اشدد عليك تكون صاله العائله مريحه وكبيره
وثلاث ارباعها جزء مفتوح يعنى شبابيكه كبيره وواسعه وجزء الربع اخف شوى اذا حبيتى تسترخى
حولين الاطفال ........................... وبالعافيه عليكم يالغاليه:26:

السلام عليكم ورحمة الله وبركاته
أختي ماجك ليدي أقتراح في محله وراح أقول لبومشاري عنه
جزاك الله الف خير

نسيم الود
حطيت غرفة مستودع
بس الغسيل والكوي ماعندي مكان تحت
بسويه مع غرفة الشغاله في الدور الثالث
والله سالفة المكتب راحت عن بالي
جزاك الله خير وانشاء الله راح تكون في الحسبان
يعني مافيه مجال الا أني أفضي غرفة في الدور الثاني للمكتب

ياقلب لا تحزن
والله ماعرفت أعدله :(
معليش سامحينا حولناك

سيده منصور
الله يسلمك حبيبتي

ملكة الحسن تراني أستناك

غاليه معاك حق أحسن شي الصاله تكون منورة
وشبابيكها كبيره
تسلمي يالغاليه

الله يوفقكم فيه
ويبارك ليكم فيه

هلا عزيزتي

بالنسبة للملاحظات الي لاحظتها

جميع مداخل البيت أول منظر تطيح عليه العين الحمامات = أكبر غلط في العالم

الحمام حق الرجال خليه على يمين المدخل

متر و نص في اثنين للمغاسل ومتر و نص في اثنين للحمام .. مغسلتين كفايه مو ضروري ثلاثه

يعني تخيلي معي .. أول ما تدخلين .. من المدخل المجلس علطول بالوجه و ما تغيرت الأحجام ..

المغاسل صغرت بس .. مو كثيير ..

كذا تحسين أول ما تدخلين ان البيت كبير .. لأنك داخله على مكان مفتوح .. مو بالوجه حمام .. أكرمك الله

السفرة .. 5 في 5 صغيره .. لأنك أقل شي بتحطين .. سفرة من 12 كرسي .. و هذي مقاسها بالضبط ..

3متر و 20 سم في 120 .. يعني بيكون المكان عندك ضيق .. بالطول مو بالعرض .. زيادة متر تخليها 4 في 6

حل جيد .. لأن المكان بيكون أوسع .. فيعني قللي العرض متر و زيدي على المجلس راح يكون .. 5 في 8

و ما راح يأثر على الصالة و الدرج ..

باب الصالة خليه يفتح بالعكس يعني يفتح على الصالة مو على الحمام .. لسبب أول شي العين بتطيح عليه الدرج و الصالة و هذا المنظر حلو .. مو حمام أكرمك الله .. أنا مقهوره منهم أكثر شي ..

مجلس الحريم .. ما أدري خليه مكتب .. أزين علشان ما تستغنين عن غرفة فوق .. و خلي استقبال الحريم فالصالة ..

مع الوقت

بتكتشفين ماله داعي غرفة مقفله .. الحريم يحبون يشوفون الأشياء الزينه في القعده ما يحبون الحبسه ..

غرفة النوم الأرضية .. بس إقلبي الحمام و الملابس .. يعني بابها يصير جنب باب مجلس الحريم الي انقلب مكتب

مو حلوه .. يكون بابها عند المطبخ ..لسبب .. ان الشيبان يكونون قريبين من الصالة .. و علشان تمديدات الحمام اذا

لاحظت الحمامين صاروا فوق بعض الحين و علشان الأعمدة .. ما تتعبون فيها ..

و باب المطبخ .. لا تخليه يفتح على اليمين .. خليه يفتح على اليسار .. علشان الجدار ما ينعدم و تصفين فيه دواليب ..

من الجدار للجدار .. أهم شي أماكن للتخزين ..

و باب المخزن بعد .. بس دخليه لليمين شوي .. علشان الدولاب يكون ملصق بالجدار ..

وش بعد ..

الدور الثاني .. غرفة النوم الرئيسية توزيعها سيئ .. لسبب .. غرفة الملابس .. صغيرة .. ما راح تكفي ملابسك مما

راح تتضطرين تحطين دولاب بغرفة النوم الي بياخذ مكان كثيير .. ممكن انتي تستفيدين منه ..

الحمام صغيير .. 2 و نص في 3 .. لو أقل شي .. 3 في 3 تقدرين تحطين فيه بديه و كبينيه و شور و جاكوزي و

مغلسه..

أبرجع لغرفة النوم الرئيسية بعد شوي ..

و بعدين غرفة البنت المسيكينه .. 3.7 في 5 غرفتها أصغر من باقي اخوانها بيضيق صدرها .. غرف نوم الأطفال

بالذات لازم تكون متساوية .. علشان ما تعوريين راسك .. و كل شوي تقولك يكفي ان غرفتي أصغر غرفة فالبيت ...

أنا كنت مهبله بأمي هههههههههههههههههههههههههه ..

فمن جد يضيق صدرك اذا غرف اخوانك اكبر من غرفتك .. كبري غرفتها

و ما أدري وش الهدف من ان العيال غرفهم مستقله تماما و البنات لأ ..

هذا اجحااااااااااااااف ..

في حالة انك بدلتي رايك .. ممكن الدرج يجي مكان الحمام الي فوق حمام الصالة الي تحت ..

و غرفة البنية تصير 4في 6 مثلها مثل اخوانها .. فوق السفرة بالضبط .. و كل غرف النوم كذا 4 في سته و يشتركون

بحمام .. بالنسبة لغرفتك الرئيسية ..

أول شي بتصغرين شوي المنطقه المفتوحه الي فوق علشان باب غرفتك .. لأننا قدمنا الدرج متر لقدام اذا تذكرين يوم

كبرنا السفره .. تخيلي معي بشويش .. علشان الفكره تدخل مزاجك صح

بتدخلين أول شي يجي بالوجه .. مدخل الي هو جداره جدار غرفة الملابس .. يعني قلبنا مكان الملابس و

الحمام مثل ما قلبناها تحت .. علشان الوسع + تمديدات المواسير ..

الحمام خليه 3 في 3 .. فوق الحمام الي تحت .. بالضبط .. الحين وصلنا للنقطه 7 - 3 = 4 و العرض .. 8 متر ..

يعني كبرت الغرفة .. متر زيادة .. الحمام و الملابس خلي أبوابهم تفتح على النوم مباشرة ..

يعني جدار غرفة الملابس .. هم الجدار المايل .. حق الباب الي تحت ..

يعني غرفة الملابس غرفة مستقله تماما علشان تستغلين جدرانها كاملة ..

أو حتى جدارين .. متصلين .. على شكل حرف L بس معكوس و يفتح على الحمام .. يعني لو درفتين زيادة أحسن من

النقص ..
الي أقصده باب الحمام من الملابس ..

أو علشان اذا ملابسك كثيره الباب على الغرفة ..

و في حل آخر ..

تدخلين على الغرفة مباشره .. و الجدار الداخلي جنب غرفة البنيه .. يعني فوق المجلس الي تحت .. يعني الحمام و

الملابس يكونون مو بالوجه الغرفة بالوجه و هذوليك جوه .. يعني الملابس و الحمام يكون طولهم يا ستي 3 في 8

يا ريت تكون الفكره وصلت ..

امسكي كلامي .. كلمه كلمه وانشالله بتوصل الفكره .. بالرسم و ارسميها و حطيها ..

و سلامتك يا قلبي ..



:26:

campoocha
جزاك الله خير

ملكة الحسن
والله شكلي بغير التصميم كله
تدرين بطفي النت وبقعد ارسم اللي قلتيه
جزاك الله خير تعبتك معاي

أنشاء الله راح أخبركم بالمستجدات قريبا