تعتبر هالمشاركة هي االثانية لي في هذا المنتدى ، واحب اني اعرض احد تصاميمي القديمة التى اعتز بها،واتمنى انه تصميمي يعجبكم .
طبعا االابيات الموجودة للمرحومة صدى الحرمان ، وهذه هي القصيدة كاملة .
خيانة عكازة
ابـــد لا تحــزني يمـــه اذا خـــانتني رجــليني
واذا كلٍ شــكى همّه وانا همـي بقى فيني
واذا خنجــر صداقتهن غرس حده وســـط قلبي
واذا عكازتي خافت من انها تسند ايديني
ولا تبكــين يا "يمــــه" اذا عمــــري غدى دفـتر
وكلٍ يمــــزع اوراقـــــه ولا ظــنه يكـــفيني
ابد لا يجزع احساسك لا شفتي البعض يجرحني
واذا ضاع الوفا فيهن وضاعت معهن سنيني
على ضيم الجفا ابقى تنازع روحي الحســـــرة
واحــس الظلـــم يا امـــي يقطع من شراييني
بسيطة كل الم جسمــي تحملته وانا اضحك لك
لكن الخوف يا يمـــه من احســاسٍ سكن فيني
يا حيـف الطـيب بالدنيا يضيع وينتهي عمــره
يمـــوت الطيب يا يمـــه وانا فـــقري يبكـيني
شيهم ان خانت الدنيا اذا ارجــع لك مثل اول
احط راسي على صدرك واعرفك ما تخونيني
المرحومة ( صدى الحرمان)