تصميم فصل خاص بالإنجليزي

مشالله تبارك الله
الله يوفقك اختي انشالله
ومجال عملك حلو كثير الله يديم عليك الصحه والعافيه..
بالنسبه للفصل انا ماعندي خبره بس عندي كم فكرة بقولك عليهم:-

اهم شي الالوان علشان الاطفال هالعمر..
انا مره شفت فصل روضه كانت فيه لوحه قماش مشدوده وفيها بصمات ايدين ملونه للاطفال
كل يد بلون عملواها الفصل مع المعلمه حسيت شي حلو بالمره..

وكمان شفت وحده من الاخوات بالمنتدى هنا((منقوله فكرتها))تحللني لاني ماتذكر اسمها
بس هي معلمه روضه تقول عملت بصحون الورق الملون كتبت عليها الحروف ووزعتها على جدار الصف مثل السلسله يعني من الباب لنهايه الصف عند السبورة..

اتمنى اني اضفت لك شي مفيد:)

استعملي مبدأ الأركان... مثلا حطي لك ركن للقراءة.. طبعا لازم توفرين كتب مناسبة لهم مثل اللي تكون عبارة عن كلمتين او ثلاثة في الصفحة.. وخليهم ياخذون معهم كتاب اسبوعيا يقرونه في البيت مع اهلهم وبعدين يرسمون رسمة عن الكتاب في ملف او ملزمة خاصة... وفي نفس الركن سوي لكل واحد شجرة بورق مقوى.. وقصصي ورق شجر بحيث كل ما واحد قرا قصة تحطين له ورقة شجرة على شجرته باسم الكتاب واللي يقرا 10 كتب مثلا ياخذ جائزة

من المهم انك تحطين لوحة تقييم .. يعني اذا غلط الطفل ينقص نقطة واذا سوا كل شي تمام يكسب نقطة... وتخلين فكرة اللوحة فيها ابداع.. مثلا تحطين قوس قزح كبير على الجدار.. وبعدين تسوين منطاد باسم كل طفل.. واللي يوصل منطاده لقوس القزح ياخذ جائزة... تقدرين تستعميل اللصق اللي زي العلك عشان تحطين نقط لكل منطاد يطلع عليها..

اذا عجبتك هالأفكار وتبين زيادة علميني وابشري بالخير

أنوار العمر..
تسلمين ياغالية على هالأفكار اللي تجنن وما قصرتي..
ومشكوووووووووووووورة على دعواتك الحلوة وأسلوبك الراقي..
................................
أم سلطان..
أفكارك رووووووووووعة وبصراحة عجبتني كثييييييييييييير فكرة قوس قزح وحابة أطبقها..
بس عندي استفسار بسيط..كيف ألصق المنطاد؟؟ لأن الرسمة راح تكون على الجدار..
وإذا عندك أفكار أكثر أعطيني الله لا يهينك شكلك مبدعة..
ومشكووووووووووووووووورة

اولا الحمد لله اللي عجبتك الأفكار وان شاء الله افيدك اكثر..
صوري المناطيد ولونيها وغلفيها تغليف حراري وبعدين اكتبي اسم كل طالب على منطاد.. وبعدين فيه عند المكتبات نوع من اللصق يصير مثل العلك شكليه كور صغيرة وبعدين الصقيها على الجدار في شكل صفوف تبدا من تحت لين قوس القزح ، كثلا كل صف يصير مكون من 10 نقط .. وبعدين الصقي المناطيد على اول نقطة تحت وتصيرين بعدين تشيلين المنطاد وتلصقينه على النقطة اللي بعدها وهكذا.
انا انصحك تشترين جهاز تغليف حراري.. فيه انواع كويسة على 300 ريال تقريبا.. ورح يفيدك كثير بحكم شغلك وبتصيرين تستعملينه كل يوم..
إذا انت من الرياض ، عندك محل في العروبة اسمه المثلث.. فيه اشياء كثير تنفعك في تعليم الألوان والأرقام والأيام .. بس انصحك انك تغلفين كل شي تشترينه تغليف حراري عشان يبقا لك على طول .. وفي نفس الوقت التغليف الحراري يخليك تقدرين تكتبين على الشي بقلم سبورة وتقدرين تمسحينه وتستعملينه مرة ثانية..
حطي ركن في الفصل سميه ( Big words) كل اسبوع علمي اطفالك كلمة جديدة تكون كبيرة بالنسبة لعمرهم طبعا.. اختاري كلمات تقدرين تجيب عليها صور.. ممكن تعلمينهم الكلمة وتجيب صور توضحها وبعدين تطلبين منهم يجيبون صور او يرسمون بأنفسهم صور للكلمة اللي تعلموها.. بعدين تحطين الكلمة على الجدار وتلصقين الصور اللي جابوها تحتها..
سوي لوحة (class rules) حطي فيها قواني الكلاس اللي تبينها وحطي لكل قانون رسمة كرتونية حلوة ممكن تلاقين رسومات مختلفة في الانترنت.. وبعدين اقري اللوحة معاهم دائما عشان اذا احد خالف احد القوانين تذكرينه فيها على اللوحة.