تصميم فيلا

لااله الا الله
بجاوبك على بعض النقاط ومن تجربتي
المطبخ تحت اريح لك كثير وبعيد عن غرف النوم
غرفة الشغاله تكون فوق افضل
غرفة الغسيل والمستودع الافضل يكونون تحت عند المطبخ
وطريقتها يكون داخل بالمطبخ باب اول ماتفتحينه على غرفة تكون مقسومه على يمينك باب المستودع وعلى يسارك غرفة الغسيل
صراحه هذا افضل ماشفت
بالنسبه لتصميم الفلا
ان شاءالله الاخوات مايقصرون

توجهي لمكتب هندسي وعطيه انطباعك والمقاسات اللي حابه تكون للغرف وهو بيضبطها لك احلى تضبيط

المطبخ تحت افضل
وفوف سوي مطبخ تحضيري صغير يعني مو للطبخ
غرفة الخادمه فوق افضل ولو ناوية تبنين بالسطح سوي غرفتها فيه مع غرفة غسيل

وعليكم السلام ورحمة الله وبركاته
=============
انا اليوم تغيرت افكاري من رحت لختي توهم نازلين
المهم
دامك بتحطين سلم كهربائي حلو
الي تحت خليه للجلوس فقط
رجال وحريم ومطبخ مصغر
الطبخ والنفخ فوق والغسيل وغرفه الغسيل بالسطح لانكم انتم بتكونون بالدور الثاني والغسيل يحتاج لتهويه وتبعدون عن الازعاج من صوت الغساله وريحه المنظفات والحوسه
\\\\\\\\\\\\\\\\\\\\\\\\\\\\\\\\\\
ويصير الارضي ريحته بخور ودائم يكون يلمع سواء جو ضيوف ولا ماجو انتي تكونين مرتاحه ماتشيلين همهم
المطبخ المصغر يكون للشاهي والقهوه وتحطين ثلاجه وتسوين الاحلى والموالح فوق وتنزلينها تحت و تحطينها بالثلاجه والي تحتاج تسخين يسخن
طبعا انا اتكلم بالعاميه البحته كاني اسولف مع خواتي
واهم نقطه المصعد يصير جهه خارجه عن قسم الحريم
لاننا يوم احنا عند اختي كل شوي تقولنا ادخلو زوجي بيطلع ادخلو زوجي بيدخل وهكذا احسها انحرجت وانتي على كلامك عندكم ضيوف كثير فتناسبك الفكره
===========================
واسواء فكره انك تحطين مغسله الملابس عند المطبخ انتي تنزعجين من الصوت ومن الريحه وكذالك ريحه المطبخ تلصق بالملابس
وغير اذا بيجوك ضيوف فجئه لاسمح الله كنتي تعبانه وش تسوين وش تنظفين مكان غسيل الملابس او المطبخ اوالبيت
الصراحي
انا اتوقع لو اخذتي افكاري راح تستفيدين وتشكريني بعدين

مساء الخير
اشكركم اخواتي اللي رديتو عليه
بالنسبه للملابس والغسيل انا فكرتي انها ماتكون في المطبخ لا بتكون غرفه بجانب المطبخ تكون كبيره نص منها مخزن ونص غرفه غسيل
الجواهر افكارك حلوه
بالنسبه لمدخل غرف النوم انا كمان بحط درج جانبي عشان لو عندي ضيوف يصير زوجي يدخل معاه وغرفه الغسيل جنب المطبخ اخف لي في الغسيل لانه متعوده في بيتي الحالي وبيت اهلي الغساله في المطبخ واشغلها وقت شغلي تكون اريح لي بدل كل شوي اطلع وانزل بسلة الملابس
انا عندي بس بنات وافكر احيانا احط غساله صغيره مع المجفف في حمامهم تكون خاصه فيهم وهم يغسلو ملابسهم ويعتمدو ع نفسهم

بالنسبه للتصميم والافكار بحاول اجمع احسن افكار تنفعني واشوف اللي يناسب ع حسب ميزانيتي
اشكركم اخواتي ولا اقدر استغنى عن افكاركم وارائكم