تصومين وترضعين ولدج؟؟؟ ساعديني

السلام على الجميع..

حبيباتي انا بنتي بتكون كملت شهرين وشوي على بداية شهر رمضان .. والحمدلله انا ارضعها طبيعي كل وجبات اليوم ما عدا وجبة وحدة صناعي أو اذا طلعنا برا البيت وهذا قليل جداً .. وبنتي ما شاء الله عليها صحتها زينة ووزنها تمام .. وعن نفسي أكلي إجمالا من البيت .. وحريصة على الفواكه والسلطة والعصير والماي .. واشرب منقوع الشمر وحليب مع الشوفان عشان إدرار الحليب لأني ما احب الحلبة (فما حد ينصحني بها الله يخليكم :)) .. يعني بشكل عام أمورنا ماشية عال العال.

السالفة اني حابة اصوم وما اضيع الفرض بس في نفس الوقت خايفة حليبي يتأثر أو يقل .. ويوم سألت ام زوجي قالت لي: عادي .. الله يخلي المراضع :humm:!!!!!!!!!!!!

الله يسامحها سببت لي احباط :44: .. لاني ابا استمر على الرضاعة الطبيعية أطول فترة ممكنة.


الحين سؤالي للأم اللي رضعت ولدها وفي نفس الوقت صامت شهرها .... كيف مشت أمورها وحافظت على حليبها خلال فترة الصيام؟؟