dreamlive :

كيفكم بنات اول شي انا دخلت اكتب تجربتي في الألماني عشان الكل ينتبه ولا يطيح في الي طحت فيه . طبعا انا تعالجت 6سنين عشان احمل من يوم عمر ولدي الأول سنتين والحمدلله حملت عند الدكتورة سوسن في عيادات البار من بعد الله وماتتخيلون الفرحة الي عشناها انا وزوجي وولدي الي عمره 7سنين و10 شهور الحين والي يستنى الحمل ذا من سنين وطبعا 8شهور وانا اراجع عند الدكتورة سوسن من حرصي على الحمل وطبعا كنت ناوية اولد عندها بس مافتح قسم الولادة باقي.المهم بديت من اول الثامن اراجع عند الدكتورة وفاء الي في الألماني على حسب مدح البنات في الموضوع ذا ؟ بس الحمدلله على كل حال المهم كانت اخر مراجعة لي عند سوسن هو في اول 4 ايام في التاسع وقالتلي لازم اسبوعين من التاسع وتعملين كشف عشان انتي مريضة سكر ولازم ولادة لمن تخلصين اسبوعين من التاسع المهم اخذت الأشعة ورحت عند وفاء طبعا انا وضعي في ولدي الأول بالنسبة للولادة كان قيصري لأنه جاء محشور بمقعدته والحمل ذا قالتلي سوسن طبيعي لأن راسهلأسفل وتحاليلك سليمة والحمدلله لااحد يقلك قيصري طبعا وفاء قالتلي من اول مراجعة قيصري لمن سألتها عن السبب قالتلي اسهلك قمت قلتلها فيه اسباب طبية عادي قيصري اما اذا وضعي طبيعي فأفضل طبيعي قالتلي لا وضعك طبيعي وطبعا في كل زيارة تحاول تقنعني بالقيصري وبدون اسباب المهم مااطول عليكم رحتلها بعد 15 يوم من التاسع على حسب اشعىة الدكتورة سوسن الرباعية وكمان انا حملت عندها وحاسبتلي من اول يوم الدورة . المهم رحت وكشفت على الجنين وكانت حركته ضعيفة عكس قبل كان مايوقف فقالتلي طبيعي ووزنه 3كيلو و100جرام والجنين ممتاز ونهائيا ماناقشتني في الولادة قمت سألتها قلتلها متى الولادة قالتلي بدري انتي لسه بدري ماكملتي الأسبوع الثاني قلتلها شوفي الأشعة الرباعية حقت سوسن انا في اليوم ال16 من التاسع ..المهم مااقول الا حسبي الله عليها بوبدأ الطلق معايا في اليوم ال 19 من التاسع ووقفت حركة الجنين على طول ومع الم الطلق نسيت من الجنين وعلى حسب كلامها انه عادي المهم في اليوم 23 شد الطلق معايا ونزل دم ورحت للمستشفى وحطو علي جهاز التخطيط وجاتني الصدمة انه مافيه نبض وجات المجرمة وكشفت وتخيلو اش قالت؟ قالتلي انتي اصريتي على الطبيعي وهذي النتيجة الطفل احتمال يكون متوفي ؟؟ بكيت وصيحت وقلتلها متى قلتيلي ولادة وقلتلك لا انتي الي اصريتي اني ماكملت اسبوعين .............المهم قلتلهم عملية خلاص وكنت ادعي ربي مع كل طلقة انه يكون عايش بس الحمدلله على قضاؤه وقدره طلع متوفي له 4 ايام بالزبط بعد مادخلت الأسبوع الثالث من التاسع ب3 ايام لأنه مريضة السكر معروف كيف ونوعية ولادتها وولدي الأول ولدت فيه بعد اسبوعين من التاسع بس حسبي الله عليها والمصيبة انه وزنه كان 4 كيلو لأنه لمن جاء الدكتور حسن المتوكل الي سوا العميلة لي قالي انتي كيف سمحتي لنفسك تخشي الأسبوع الثالث من التاسع ووزن الجنين كذا قلت اسأل المجرمة لأنه هي قالتلي قبل 5 ايام في اخر مراجعة انه وزن الجنين 3كيلو و100 جرام قال استحالة اقل شي كان وزنه قبل 5 ايام 3700 جرام؟؟؟؟؟؟؟؟؟؟؟عموما انا قدمت شكوى عشان تتأدب وإلا ولدي انشأالله شفيع لي ولأبوه في الأخرة ......حبيت انقل تجربتي بس لأخذ العظة والعبرة وسلامتكم

كيفكم بنات اول شي انا دخلت اكتب تجربتي في الألماني عشان الكل ينتبه ولا يطيح في الي طحت فيه . طبعا...