أم تميم و رولا :

ياقلبي أنا على هالصغيرة الله يحفظها. كيف وضعها الآن؟ قلت لكم مافيه زي أبها الخاص أعرف وحدة جت من الخميس ولدت فيه مع ان زوجها عسكري وكان باستطاعتها تولد في العسكري الحياة أنا ما أعرفه أبدا بس كنصيحة والله ما أنصحكم تروحون لأنه بعيد مره عن أبها وماتدرين يمكن تولدين في الطريق ترى أحيانا الأعراض والولادة كلها ما تستغرق ساعتين. شوفي أبها الخاص مافيه زيه وعندهم استشاريين سعوديين ممتازين في كافة التخصصات يعني حتى المواليد اللي يولدون تعبانين على طول يستدعون لهم الأطباء المناسبين ويشخصون حالتهم. - الكمامة حلوة تخليك تعيشين الولادة كحلم ولا تحسين إلا وهم يصحونك يبشرونك بالولادة .. - وبعد الولادة والخياطة يخلونك تنامين في نفس الغرفة لمدة ساعتين على الأقل لحدما ترتاحين تماما بعدين يودونك على قسم التنويم ويجيبون لك ترمس فيه قشر قهوة وصحن تمر .. - وتجيك الممرضة وتحط لك طشت فيه موية ومعقم تجلسين فيه بس بصراحة أنا ما أأيده لأنه ممكن جلوسك فيه قد يكون سبب انه تنفك الغرز قبل وقتها لأنه بيكون على الأرض وجلوسك فيه صعب مع الخياطة .. - المولود يجلس في الحضانة لحد ماترتاحين وإذا طلبتيه يجيبونه لك فورا وتشوفينه بعدما يسبحونه ويلبسونه اللبس اللي تجيبيه له .. فعلاً الحضانة نظافة وتعقيم مميز جدا واهتمام بالمواليد ماسمعت عنه بأي مستشفى ثاني .. - اليوم الثاني بعد ولادتك تمر عليك الطبيبة اللي ولدتك والاستشارية عشان يتطمنو عليكِ وكمان فيه موظفة سعودية تزورك وتسألك فيه أي شكوى من أي أحد، وكيف كان تعاملهم معاكِ وقت الولادة>>>>> طبعا إذا عندك شكوى تكلمي لا تسكتين لاتسوين زيي على ولادتي الثانية وحدة من الممرضات رفعت صوتها علي ولا شكيتها لأني خفت على بنتي لا تروح تسوي لها شي في الحضانة>>>>>مجنونة هذا نظام أبها الخاص باختصار لكن بالنسبة للطبيبة اللي بتولدك فأأكد عليكم انه ضروري تشوفون هل تقدرون تستدعون أحد من داخل المستشفى لأن بصراحة أحيانا يكون الحظ مع طبيبة سيئة زي ماصار معي في ولادتي الثانية كانت دكتورة مربوشة شوي والممرضات كأنهم يصرفون علينا وكان زحمة بالمرة تقريبا حوالي 5 ولادات ولا فيه غير نفس الطبيبة ولا أعطوني الكمامة إلا خلاص قد البنت بتخرج. الله يختار لكم اللي فيه الخير جميعا

ياقلبي أنا على هالصغيرة الله يحفظها. كيف وضعها الآن؟ قلت لكم مافيه زي أبها الخاص أعرف وحدة جت...