انا بيتي اللي اللحين نبنيه وما سكناه .. فيه مطبخين واحد صغير وفيه ثلاجه وفرن وادوات الطبخ والقلي والنفخ ومجلى والدواليب المنيوم مرتبة جديدة بس مو غالية >>> طبعا الاجهزة كلها قديمة وجايبتها من شقتي بس كأنها جديدة لاني ما استعملتها كثير ..
والمطبخ الثاني بسويه مفتوح على غرفة الطعام .. وبسويه كشششششششخه مكرويف وثلاجه وغاز عيون فقط وكلها داخل الدواليب وبخلي فيه فطورنا عند الكورنر اللي مثل البار ووادوات التقديم والاجهزة الكهربائية

من محاسن هذه الطريقة ..

1. ان الشغالة ما تعدم لك المطبخ الغالي وتغربه .. وحتى لو ما عندك شغاله ترى المطبخ مع الاستخدام اليومي يتغير وطبعا انتي مكلفه عليه وما تبغينه يغترب بسرعه .

2. المطبخ المفتوح حلاته انه للأكل فيه تحطين فيه طاولة طعام كاونتر بار مرتفع للفطور السريع واحلى شئ فيه انه ما فيه زحمه ولا فوضى وممكن تقعدين فيه تقطعين الخضار والاكل وانتي تطالعين التلفزيون ..>>> بحط فيه تلفزيون

3. لما يجيك ضيوف على غفلة مثلا وانتي مزحومه وما غسلتي الاطباق او قاعده تغسليها المطبخ الثاني بتكون فيه الزحمة لان فيه الطبخ .. فما راح يبان شئ مو حلو لضيوفك .. والمطبخ المفتوح بيكون مرتب ونظيف على طوووووول الوقت .

4. ممكن لو كان عندك ضيوف مقربين مثلا ووقت الاكل حبيتو تأكلو بدل لا يصير الاكل في المجلس ويتوسخ واتصير ريحته كريهه .. يصير عندك المطبخ المفتوح على غرفة الطعام يجلسو فيه وبيكون طبعا منظره حلو وريحته تفتح النفس ..وفي نفس الوقت الاكل قريب منك وادوات الاكل بعد قريبة منك بدل لا قايمة قاعده يكونون معك في نفس المكان وتجهزي لهم الاكل وهم وياك .. طبعا اذا كانت العزيمة صحباتك اهلك وحتى لو رسمية بعد تصلح لان المكان بيكون كشخه ومرتب ومجهزة الاكل قبل ..

5. بتكونين قريبة من اطفالك في كل وقت لان المطبخ المفتوح يكشف تقريبا نص البيت وتسمعين كل اللي يدور حولك .. بدل لا تكونين مشغولة في المطبخ المغلق ولا تدرين بش .. يعني هاذي مثلا حالة تنفع اذا حسيتي ان اطفالك يحتاجون لمراقبة او قاعدين مسوين حرب وما تبغين تخلينهم بروحهم او عندهم واجبات وكل ساعه منادينك .. يكونون قريبين لعينك ..

>>>>>>>خلاص هذا اللي اتذكره بس حسناته واااايد واشجعك عليه والله يستر ليلحين ما سكنت وجربته بس اتوقع الفكرة راااااااااااائعة بصراحه وعليك بالتفكير مليا فيها

انا ضد فكره ان المطبخ الكشخه للضيوف و ما يكون فيه حوس قدام الضيوف لانه البيت مفروض الي يستكتع فيه اصحابه و الضيوف يجونك في السنه مره
بس في نفس الوقت انا مع المطبخين للي عندها شغالهه
اولا تكون مستوره في الديرتي كتشن و لا تقعد بوجك طول اليوم
ثانيا لانه ما شاء الله استعمال الشغالات يهلك و ما تبين بعد الالاف المدفوعه في المطبخ الرئيسي تجي هي تخربلك ايها على قول امي اياديهم فيها الخراب يا حبايبي هم يشوفون اننا نغرف من بحر الفلوس و ما يدرون ان ابونا يشقى و يتعب عشان يوفر لنا هذا المستى المعيشي يقولون في انفسهم اذا خرب يجيبون ثاني مافي مشكله
ثالثا ريحه الطبخ و القلي ما تقعد جوى البيت حتى لو جبتي احسن نوع شفاطه اذا مطبخك مفتوح على الصاله راح تضل الريحه

عاد الي ما عندها شغاله و مش ناويه تجيب عادي تخليه مطبخ واحد بس مغلق عشان الريحه
و هذا رأي


اما عن سؤال البنات عن مكان المطبخ
انا اشوف اذا صالت المعيشه فوق افضل يكون المطبخ فوق و الدور الي تحت حق الضيوف مجالس و خلافه بس لازم يكون فيه بوفيه تحت عشان اغراض الضيوف الشاي و القهوه

اما اذا كانت صالت المعيشه تحت اكيد المطبخ لازم يكون تحت بس ما يمنع انه يكون في فوق بوفيه صغير بس مش للبيت كله يكون في جناح الام و الاب لانه العيال يقدرون ينزلون تحت اذا يبغون شيء من المطبخ و فطورهم يكون تحت
بس انا ليش اقول للام و الاب على اساس تبين تسوين فطر لك اتي زوجك خاص و انتي لابسه روب النوم مش لازم تلبسين عشان تجيبين الفطور من تحت فهمتوني
ان شاء الله اكون وصلت فكرتي بطريقه سهله

ماراح تستفيدين من المطبخ الفخم ذاك الفايده اللى تسوى خسايره وتكاليفه الافي القهوه والشاهي اذا جاك ناس كثيرين وبصير منظر بس وانتي دافعه فيه دم قلبك

مطبخ وااااااااااااااحد يكفي اهم شي المخزن

وبعدين اكثر مايشتغل فيه الخدامه لان المطبخ لها مقابلتة 24 ساعه ولا تسافر الا وخربت فيه اي شي

رفع