تصويت : هل انتم مع او ضد جوال الكاميرا ؟؟؟؟

انا اقول انه حتى لوالواحد في حاله ولا هو راعي حركات نص كم

يجيك من يبلاااااااااااااااااااااااااااااااااااااااااااااااااااااااااااااااك


لذلك الافضل عدم استخدمه واستخدام الجوالات اللي تكون فيها مميزات حلوه مثل جوالات الكميره لكن بدون كميره او بلوتوث والذي منه

لكن ذلك مايعني انه خلاص كل من كان معه جوال كميرا معناها انسان فاسق داعار اللي فيه مايخطيه

اصابع اليد تختلف

ضد
ضد
ضد
ضد
ونظرتي لحامل جوال الكاميرا المزود بالبلو توث
انه غير سوي وغير عاقل سواء رجل او امرأه

فراغ وقله أدب يصير الواحد منهم همه بس هالجوال والالقاب البايخه
ويشغله في سوق او مكان عام عشان يعرف مين عنده ومين ماعنده وهاتك يا وقاحه

العيب ليس في التكنولوجيا ..العيب فينا...

طيب هنا يا حماعة..في أوروبا بلد الحرية..والبنات ولعري والعلاقات و و و ليش ما عندهم اللي يصير عندنا؟؟ وليش ما يصوروهم ويسونلهم فضايح؟؟؟

للأسف شعبنا مريض..يحب فضح الغافلين والتلذذ بنشر نتاج يده وكانه اتى بسبق صحفي أو خبطة العمر..وينتهكون محرمات الله بكل بساطة..ومو بس الشباب لأ..البات لما يصوروا بنات ثانيين في زواجات وهذوك يا غافل لك الله وتحسب نفسها البنت شخصية ومو سهلى لما تنشر الفايل عبر البلوتوث أو الانترنت..ولكن أين هم من الله؟

يا جماعة قبل التفكير نمنع ولا ما نمنع..وين الصحوة الدينية فينا؟؟؟وين أبسط شيء وهو الحياء؟؟؟؟ وهو أدنى مراتب الايمان؟؟؟ هل أصبحت اعراض الناس تجارة للتنكيت واستعراض العضلات امام بقية الشباب من يملك فايلات فاضحة!!!!!!


ترى جوال الكاميرا زيه زيه اي شي ثاني..ليش بالأساس ما منعوا التلفون الثابت؟؟ اللي صار وسيلة معاكسات وازعاج بيوت الناس وفتنة بناتهم؟؟؟؟؟ هل نستمر نمنع كل شي ولا نلتفت الى الجوهر وال أساس وهو التربية الصالحة وايقاذ هذه النفوس الغافلة...وعمل رقابة على من ينشر هذه الفايلات وتوقيع العقوبة فيهم

لماذا يتم حرمان فئة صالحة تفهم معنى التكنولوجيا وتفهم انها من نعم الله التي سخرها لخدمة الانسان وتسهيل حياته بسبب نفوس مريضة؟!

لاحول ولا قوة الا بالله

ضد الكاميرا: للأسباب اللي قلتوها كلها ولعدم رغبتي بفرض تقنيه معينه علي ، وممكن احد يستخدمها لتصويري وأنا مادري ، يعني وش اسوي اجلس بحجابي وغطاي 24 ساعه وفي كل مكان اروح له ؟؟؟؟ وبعدين ليه كل الجوالات الجديده فيها كاميرا ، طيب ليه ماتكون الكاميرا خيار منفصل وليس اجباري ، يعني المفروض مثل أول تكون خارجيه ، أو يصدر نوعين من الجوال الواحد ، واحد منهم بكاميرا والثاني بدون ، ليه يفرضون على السوق كله ويغرقونه بجوالات الكاميرا والبلوتوث ومادري ايش طالع بعد الله يستر .
ثم أني ماضمن الناس ، ولاكل الناس عندها خوف من الله ، ويمكن احد حاقد عليك او يحسدك أويغير منك أو يبي يطلع عليك سمعه يسوي أي شي ، انا ماضمن الناس في الأماكن العامه ولا في الزواجات ولا في العزايم .
نبي جوالات متطوره بدون ماتفرض علينا الكاميرا رغبة بالخصوصيه ، ماحلناهم بدون جوال شلون بجوال !!
واللي يهمه التصوير ويحبه او محترفه ، يشيل كاميرته معه وين ماراح الله لايهينه وبلاها جوال بكاميرا .


بشاير
قريت من يومين انه في نيوزيلندا متضايقين من كاميرا الجوال وانهم بينزلون قانون جديد للعقوبات يكون 3 سنوات للي يصور او ينشر صور فيديو غير لائقه بسبب شكاوي كثيره جايتهم ، ومن أقل من سنه قريت انه في اليابان بعد متضايقين من كاميرا الجوال لان بعض الشباب يستخدمها في تصوير ماتحت ملابس النساء بالذات في القطارات..
وهذا معناه ان المشكله منتشره وليست مختصه فينا ، لكن يمكن حب الخبر والشي جديد هذا اللي خلانا نستغرب .


مع البلوتوث لسبب واحد انه سهل نقل الملفات والنغمات والصور بدون الحاجه لصرف فلوس على الفاضي والمليان وبعشره وعشرين وارقام 700 ( عمري ماستخدمته بس قاهرني الدقيقه بذيك القيمه )

أرجو المعذره وتقبلوا وافر التقدير :26:

اشكر للاخوات الفاضلات مرورهن الكريم وانا احترم أراء الجميع ولكن من وجهة نظري اوؤيد وبشدة رأي الاخت الفاضلة بشاييييييييييييييييييييييييييييييييير


والسموحة منكم


شهرياار :24: