تضخمت مبايضي واتعبتني الالام بسبب المنشطات .. مشورتكم !!

السلام عليكم ورحمة الله وبركاته ..

يااخوات بحكيلكم قصتي وشوروا علي واستفيدوا الله يعافيكم ..

انا عندي تكيس صغير جدا على المبيض .. واخذت كلوميد مسبقا وحملت عليه بعد إرادة الله عزوجل .. ولكن سقطت والحمدالله على كل حال ..

بعدها صبرت كم شهر وفي 28/8 جاتني الدورة وفي اليوم الرابع من دورتي ادتني الدكتورة كلوميد حبتين الصباح وحبتين المساء + ابر فستومين في اليوم الرابع والسادس والثامن ...

وتابعت التبويض وكان فيه بويضات وخلاص فرصة الحمل كانت كبيرة ورجعت بيتي وانا مستبشرة يومها خير ..


فـــــــــــــــــــــجـــــــــــــــــــــأه بدأت تجيني الالام قويه كسرتني تكسير وكليتي بغت تتفجر من الوجع وبطني انتفخ وصرت استفرغ وقعدت يومين وفي الاخير خفت وصرت احسني ابي اتبول وادخل الحمام الله يعزكم وماينزل مني شي .. خلاص وقتها خفت يكون عندي فشل كلوي من شدة الم الكلى ...


وارجع لدكتورتي وتسوي لي تحليل بول واشعة على المبايض وكانت الصدمه ..... تضخم شديد في المبايض وعلى طول حولتني عالمستشفى حكومي واروح واتنوم لمدة اسبوعين شفت فيها الالم العنيف والله تمنيت الموت بسبب الالم

حسبي الله ونعم الوكيل وقالوا لي هذا بسبب الكلوميد والابر .. المفروض تبدأ بالتدريج على مدى كم شهر .. ووقعت وقتها على ورقه انه في حال انفجر المبيض يتدخلون جراحيا لأستئصالها ... وانا توي صغيرة ماعندي اطفال وعمري 26 سنه ... والله وقتها اصابني هم وغم مايعلم فيه الا الله ... لكن الحمدالله ربي رحمني وعديت مرحلة الخطر بفضل الله عزوجل ..

تضخم المبايض علاجه مع الوقت مع الأيام بيخف لكن انا تعبت من الأوجاع والله يابنات احسها نار اكلت جوفي صرت مااعرف طعم النوم ولا الأكل ولا الراحه وبيتي مادخلته من زمان وزوجي ماادري عنه الان لي شهر والحمدالله جاتني الدورة في هالايام والدكتور قال لي الدورة بتخفف من التضخم لأنهم كانوا خايفين اني اخسر المبيض لكن ربي لطف فيني والحمدالله .. عندي اوجاع لكنها طفيفه .. وطلعت اليوم من المستسفى بعد ماقضيت فيه اسبوعين بس يتابعون حالتي .. وانا توكلت على الله وبنتظر اليوم اللي يقولون لي رجعت مبايضي لحجمها الطبيعي

ابسألكم من صار لها كذا ؟؟ وكيف تعاملت مع المشكله ؟؟


علما ان الحجم الطبيعي للمبايض بحجم حبة الجوز .. لكن عندي وصل التضخم 7 * 11 سم ..

واليوم 5 * 10 سم .............


دعواتكم ونصيحه لوجه الله انتبهوا لنفسكم ولاتبخلوا علي بارائكم .. حسبي الله ونعم الوكيل