تضربين اطفالك تعالي موضوعي لك.

فيه بعض الامهات ودك تقولين لها كانت مزحه وارجعي لمطرحك بلا زواج ولا خلفه ماتستحقين تكونين ام وتربين امانه ربي اهداك اياها
والله اني اشوف انواع التفنن والتحطيم والتسلطات والضرب من امهات على قطعه من قلبها .
لما زرت وحده ولدها وش حليله تبارك الله بريء وهادي بس اخذ جوالها الا تضربه على راسه ويبكي على الصامت والله اني حزنت من قلبي مدري كيف طاوعها قلبها تمد يدها
يعني حتى لو تقولين لها فلانه ليه ضربتي بنتك او ولدك تقول مايفهم او تقول عشان اربيه او اتعبني فيه شقاوه او او يا سبحان اللله من متى الضرب اسلوب تربيه ؟!! واذا طلع معقد قامت تتحلطم هذا ماجنته يداك تربيتك .
وغيره وغيره من هالنوع من الامهات
لاتستهونون بالضرب ابد مهما كان حجم الغلط لاتضربين ابد ارحمو من ف الارض يرحمكم من بالسماء كوني الطف من النسمه على فلذة كبدك عشان مايفوت الفوت وقتها ما ينفع الصوت والبكي
الغلطه تتعالج بالتفاهم والحوار والفشل يتعالج بالتشجيع والمحاولات الطفل مو غبي يفهم بس يحتاج قلب رحوم وتعامل بالللين واللطف والكلام المحبب الايجابي والمكأفأت ويد تطبطب عليه مو تضربه .
تو قاريه قصه اوجعتني وشفت صورة البنت زادتني وجع والله هالشي خلاني اجي هنا اكتب حزززززنت كثير عليهاااا
(هي عن وفاه طالبه بثالث ابتدائي متاثره بالضرب من امها بعد ماشافت نتيجه الامتحانات منخفضه..
بس رجعت البنت من المدرسه امها استقبلتها بالأحضان وبعد ماشافت اوراق الامتحان وشافت تدني في الدرجات راحت تصرخ وتضرب بنتها و ضربت بنتها في الصدر والظهر من القهر على درجاتها ...قمه التعسف والغباء..وطاحت البنت اغمى عليها وتركتها امها ظنت انها تتصنع لما رجع ابوها من العمل..بعد ساعه راح يشوفها لقاها فارقت الحياه..
وبعد الفحوصات لقو كدمات في الصدر والظهر...وبعد التحقيق مع الابوين اعترفت الام انها فقدت اعصابها وبدون قصد ضربت بنتها ضربا مبرحا.
لا حول ولا قوة إلا بالله العلي العظيم .

الله يعينها على تأنيب الضمير قبل العقاب الدنيوي ..


يا امهااااااااااااات (تمالكوا انفسكم في لحظاتِ الغضب..)