تطبخين تبيعين عندك بضاعه تبين توسعين صدرك (مركز الأمير سلمان يستقبلكم كلكم)

السلام عليكم ياحلى بنات في المنتدى

اليوم حبيت أفرح كل البنات بهالخبر وابشركم كلكم بإن إدارة مركز الامير سلمان في الرياض تفتح أبوابها في الثلاث الأيام الأولى في العيد لكل الراغبات في الإشتراك بفتح ركن أو أخذ طاولة أو زاويه ووضع أي منتوج تريده مثل
جلابيات - عطورات - ملابس - أطعمه يعني طبخات حلوه
ايس كريم - ذره - عصائر - ورق عنب - محاشي -مقبلات وفطائر بأنواعها
ممكن تصلحينها بيتك وتجين تبيعينها في الركن وتسوين لنفسك دعاااااااااااايه حلوه
وومكن ترسلين عاملاتك يسوون دعاية
خصوصا الكوفيرات اللي عندهم مشاغل برياض طبعا لاإن مركز الأمير سلمان برياض
راح يكون ثلاث ايام العيد فقط
اليوم الأول وراح يكون مخصص للأطفال
واليوم الثاني راح يكون مخصص لسفارات الدول العربيه
اليوم الثالث امسيه شعريه

عموما أنا كلمت رئيسة اللجنه واتفقت معها اذا فيه إمكانية التسجيل والمشاركة خلال ايام العيد وقالت لي اوكي
ورقم رئيسة اللجنه عندي
يالله يابنات شوفو رزقكم وادهروا وبيضوا وجهي قدامها نبي طبخات حلوه وحلويات كشخه ورزه
واللي تبي رقم المنظمه عشان تتفاهم معها تراسلني على الخاص
وانتي الرابحه ياختي العزيزه

تسلمون من كل شر
وكل عام وانتم بخير قبل الزحمه