العاقبه للمتقين @alaaakbh_llmtkyn
محررة فضية
تطبيقاتي سريعه ولذيذه الذ شي بالصووووووور
السلام عليكم ورحمة الله وبركاته
كيفكم ياصبايا ان شاءالله بخير
اليوم الله يسلمكم كان عندنا عزيمه بسيطه وسوينا عشا واعذروني والله والله اني اصور سريع سريع ودي اني اخذ الصور
بشكل افضل بس هذا اللي طلع معي ووعد بإذن الله الجاي يكون افضل ..
IMG_1186
اول شي ياطويلات العمر ببتدي معكم بسلطه اتعب اقول رووووووووووووووووعه وغريبه وطعمها بالراااااااااااس :35:
سلطة البقوليات الحاره هذي يابنات قنبله فضيعه بمعنى الكلمه ودايم نسويها
الطريقه : علبة حمص حب مسلوق ومغسول وعلبة فاصوليا حمراء مغسوله بعد وعلبة فاصوليا بيضاء مسلوقه وعلبة بازيلا مغسوله بعد اهم شي تغسلونهم بعد ماتفتحون العلب :hahaha: انا ماكان عندي كل هالطلبات فقتصرت بس على الفاصوليا الحمراء + الحمص المهم وتضيفين لهم شوي خس مقطع شوي بقدونس مفروم شوي خيار مقطع صغار وشوي فلفل اخضر او احمر مقطع مربعات صغار
السوس وهو السرررررررررر : 2 م مايونيز + 2 م كاتشب + علبة زيتون اخضر بالزيتون والشطه العلبه كامله تحطينها مع زيتها تخلطينهم مع بعض وتضيفينهم عالسلطه وتمتعي بالطعم اللي يبكي .
IMG_1182
هذي ياطويلات العمر والسلامه سلطه جديده وحلووووووووووه اخذت طريقتها من وحده وقلت مستحيل ابخل عليكم
لازم اوريكم تطبيقي لها وبكتب لكم طريقتها بصراحه لذيذه وخفيفه وجديده
الطريقه : كزبره مفرومه على حسب العدد مافيه كميه محدده وبقدونس مفروم ونعناع مفروم وخيار مقطع انصاف وتضيفين عليهم رمان
السوس : كوبين روب = علبتين وملعقتين مايونيز وربع كوب زيت زيتون وشوي فلفل اسود واذا حابه تضيفين ليمون براحتك بس مو اساسي بالسلطه وتخلطينهم مع بعض وتضيفينهم على السلطه وتزينينه بالفراوله
وبالعافيه
IMG_1183
هذي ياطويلات العمر صينية سمك دايم نسوي دجاج ولا لحم قلنا نغير شوي وبصراحه بطله هالصينيه ياليت تجربونها فضيعه بقووووووووه وتغيير عن الروتين
الطريقه : فيليه سمك اي نوع انا شريت جاهز مثلج تقطعينه بالحجم اللي تبين نسيت اصوره لكم بصراحه حلووو عجبني مره بعد التقطيع تتبلينه بملح وليمون وفلفل اسود تقلينه بمقلاه غير لاصقه بدون زيت بس تشويح بسيط لاتخلينه يستوي
وبعد القلي وبعد ماتشيلنيه بنفس المقلاه تضيفين زيت زيتون وبصل مفروم صغار وثوم وتشوحينهم وتضيفين عليهم كريمة خفق وملح وبهار سمك بس شوي وشوي كزبره تجيبين الصينيه وتصفين السمك وفوقهم هالخلطه وتطلعين الاجبان اللي عندك تشدر قشقوان وبارميزان اي نوع تبين او كلهم مع بعض ترشين الصينيه بالاجبان وتدخلينه الفرن يهببببل يابنات جربوووه وادعولي
IMG_1184
لازانيا للمره الالف للاخت ارتوسته الله يجزاها الجنه على هيك وصفه ادمااااااااااان
IMG_1185
رز برياني فضيييييييييييييييييييييييييييييييييييييع واليييييييييييييييييييييييم وبطل بقووووووووووه واعجبهم كلهم من وحده هنا بس منهي ناسيتها سامحوني :44:
IMG_1180
هذي صورة جماعيه للاطباق
IMG_1181
وصوره اخيره للاطباق ..
ملاحظه : سامحوني سامحوني على ردائة الصور والله يابنات كنت مستعجله حتى لو تلاحظون ديكور السفره ماكملته من العجله الله لايبلانا هههههههه
ملاحظه ثانيه اسم الزيتون اللي استخدمته بالسلطه مختارات حلواني زيتون اخصر بالشطه والزيت زيتون
وسلامتكم واي شي تبونه من عيوني
فوتكو بعافيه
.
301
66K
يلزم عليك تسجيل الدخول أولًا لكتابة تعليق.
om eyas
•
يسعدني اكون اول رد ماشاء الله تبارك الرحمن
الصفحة الأخيرة