كبسة اللحم البيضاء من موضوع ( حياكم الله ..الذبيحه من مطبخ اهلي) لـ ( ريفه)
طبقته 3 مرات بس بلحم الثلاجة – موووو ذبيحه- النتيجة طعم روووعه ( يشبه طعم الذبايح اللي نطبخها عند حرمه ما شاء الله عليها طبخة لحم ورز وحشو يهببببل ) ======== وعن تجربة ( طبخ اللحم في ماء مغلي مااااا ينضجه لازم يغلي الماء ومعاه اللحم )
التجربة 1 – سويتها بلحم تيس وأضفت معاه ( شحم خروف ) علشان الطعم يصير قريب للذبيحه وتبلته بنفس تتبيلة ( ريفه ) بس ما عجبتني التتبيلة أحسها غيرت طعم اللحم بس الرز كان لذيذ
التجربة 2 – بلحم خروف ونسيت الشحم – بخرت اللحم وتبلته بـ ( ثوم بودرة + شوي بهار مشكل + ملح + كركم + شوي غارماسالا + زيت ) ودهنت به اللحم ( اللحم رووعة – بس الرز صار طعمه ناقص )
التجربة 3 – براس خروف وأضلاع ( قطعه كبيرة ) – أضفت الشحم معاه – وبخرت اللحم وتبلته نفس التتبيلة في -2 – وسويت له حشو بالبصل الأبيض وبهرته شوي غاراماسالا وصبغة ----- خياااااال
رابط
http://forum.hawaaworld.com/showthread.php?t=1657773
الحشوة لذيييييذة وجات على اللي في خاطري - من زمااان وهالحشوة في بالي من كنت صغيرة أذوقها عند جيرانا – اللي هم مثل أهل بالنسبة لي – وكنت أتمنى أسويها بس الحمص الخاص بالحشو ما كنت ألقاه بس الحين كل شئ صار متوفر بالسوق والحمد لله جربتها وعجبتني
بس ما تقيدت بمقادير الحشو كلها :استغنيت عن الشبت – الكزبرة الناشفة – ماء الورد والزعفران ( بداله صبغة )
رابط موضوع الحشو
http://forum.hawaaworld.com/showthread.php?t=761349
----------------------
كرات البطاطس مع حشوة الدجاج
وهذي طريقتي مع التغيير لأني استغنيت عن بعض الخطوات في الطريقة الأصلية - المقدار لصينية كبيرة وفي الصور المقدار قليل لصينية صغيرة
خلطة البطاطس
8 حبات بطاطس مسلوق تماام ومقشر..ومهروس
4 م ط مايونيز 1+ مكعب ماجي + فلفل أسود + ملح
أخلطهم مع بعض ( ممكن بالعجانة(
- يكور البطاطس وبالثلاجة عشان يتماسك او بالفريزر اذا كنتي مستعجلة بس انتبهي لايجمد عليك...وأغلب الأحيان أستغني عن هالخطوة
والأفضل أستخدام مغرفة الآيسكريم لتكوير البطاطس لأنها هشششششة
خلطة الدجاج
600 غرام صدور دجاج مقطعة مكعبات صغيرة ...
بصل مقطع مربعات صغيرة أو مفروم ( كمية تناسب الدجاج ) + 2 فص ثوم + 2/1 حبة فلفل رومي مقطع مربعات صغيرة
ملح + فلفل أسود + 1 ماجي + شوي كركم + بهار مشكل + شوي بهار الكري + رشة فلفل احمر مجروش + جزر مبشور + كزبرة خضراء مفرومة
صلصة البشاميل السريعة المكونة من:
2/1 علبة زبادي + 1 علبة قشطة + ملح وفلفل اسود + 5 م ط جبن سايل + 4 م ط مايونيز ) تخلط مع بعض )
الطريقة:
أحمر البصل والثوم في زيت قليل حتى يلين شوي – أضيف الفلفل الرومي وأقلب حتى يحمر البصل شوي
أضيف الدجاج وأقلب حتى يتغير لونه وأغطي عليه وأتركه حتى ينضج – أضيف البهار والماجي وأقلب شوي – أضيف الجزر المبشور أو المفروم وأقلب وأغطي عليه شوي وارفعه عن النار وأضيف الكزبرة الخضراء وأحطه في الصينية ( الخليط يكون فيه رطوبة شوي ما يكون ناشف )
أصف كرات البطاطس جنب بعض فوق الحشو ..واسكب فوقه خلطة البشاميل
أدخل الصينية الفرن الساخن حتى تسخن والبشاميل يصير لمّاع وأقدمها دافييييييييية
رابط طريقة كرات البطاطس في المجربة الطريقى الأصلية + طريقتي فيها -- الصفحة 6 الرد 54
http://forum.hawaaworld.com/showthread.php?t=1422854&page=6