السلام عليكم
تطبيقي اليوم ترتيب التسريحه
اول شي شلت كل اللي عليها ونظفتها بفيري وكلوكس
بعدين بمنظف الزجاج
وزينتها بصراحه راحت تجنن عن اول حالتها حاله مسكينه شايله كل اللي بالغرفه
وماحطيت عليها الا اللي استخدمه يوميا وادوات المكياج حطيتها بشنطه المكياج وحطيتها بدولاب التسريحه
الان شوفوا التسريحه العروسه كيف صارت
وجبت دروج التسريحه ونظفتها ورميت اشياء كثيرة مو محتاجتها
وشفت مرة موضوع كيف تقسمي الدروج وتنظمينها بواسطه مقسمات صنعتها بنفسي اترككم مع الصور
ووضعت فيها الكريمات والاكسسورات والاحزمه وربطات الشعر والشباصات بشكل مرتب يفتح النفس
وهذي النتيجه
ان شاء الله تطبيقي يعجبك يااستاذه وبصراحه اشكرك كثير كثير لانك خليتيني اجتهد واصير منظمة واخترع اشياء الكسل ملهيني عنها
وجزاك الله الف خير....
جزاك الله الف خير سمن وعسل
طبقت الدرس على التسريحة فقط
لاني استسهلت تصويرها دون عن بقية الغرفة..
تسريحتي بها 3 ادراج ودولابين على الجانبين...
مستعملة واحد منهم للشنط
والثاني رصيت فيه علب العطورات السودانية (الخمرة والبخور وغيرها)
لانها حجمها كبير وتقعد سنين عندي ففضلت اخلي العبوة الكبيرة مخفية واستعملت عبوات صغار رصيتها فوق التسريحة للاستعمال اليومي...
كمان خليت ادوات تقليم الاظافر المبرد وخلافه في حامل صغير لان استعمالها كمان مش يومي..
وعلب كريم الجسم ...
طبعا قبل رص هالاشياء فرشت قطعة قماش على اساس اي عطر ينزل على الدولاب ما ياثر فيه...
هنا صورة التسريحة من فوق من جانب واحد
طبعا فارشة عليها مفارش صغيرة بدل وحدة كبيرة..
وهذه فكرة امي
قالت لي يسهل عليكي تنظيف المكان وتغيير وحدة اذا توسخت اسهل من تغييرها كاملة...
وطبعا نفس المفارش مفروشة على الكوميدينو وعلى راس الدولاب الجانبي الصغير كمان...
العلب اللي على اليمين هذه هي عطوري في عبوات اصغر..
وخليت واقي الشمس وكريم الاساس ومزيل المكياج وكريم الفير فوق لان استعمالهم يومي ومستمر
وشكلهم حلو ما بياثر على شكل التسريحة كمان...
وفي الكرسي حطيت اقلام الكحل والمحددات ارتب لي واستعمالها مستمر بالنسبة لي..
في نفس الكرسي في مقص صغير وملقاط ومراية صغيرة للظروف المفاجئة...
على الناحية الثانية من التسريحة رصيت العطور المائية حقتي وحقت زوجي جنب بعض..
وطبعا لازم بعد كل مرة يستعملها اعيد الرصة من جديد
لانو مؤكد بيتعطر وبيحطه في اي مكان على التسريحة حال اي رجا غيره :D
باقي من التسريحة 3 ادراج صغيرة
استعملت اللي في الوسط لاشياء الشعر والتسريح كلها..
او تقريبا كلها
بكل وفرشاة ومشط وفرشاة زوجي
استعملت شنطة صغيرة بلاستيكية (على اليسار فوق) حطيت فيها البنس الصغيرة بدل تضيع وسط الدرج وما احصلها
الدرج على اليمين رصيت فيه ارواجي (وادري انها كثيرة بس معليش هذه انا كده :$)
وعلب البودرة على جانب منها
وعلبة رصيت فيها الجليتر اللي عندي سواء كان للشعر او الجسم او العيون...
طبعا الدرج مفروش عليه نفس القماش حتى يسهل علي التنظيف كل فترة واحافظ على الخشب...
اخر درج رصيت فيه مكياج العين
الظلال سواء علب صغيرة او اضاءة..
كمان في علب بلاشر مش ظاهرة في الصورة لانها ورا جدا (استعمالي لها اكثر من نادر)
علبة قطن تنظيف الاذن استعملها في المكياج عشان كده خليتها هنا...
في الشنطة الصغيرة حفظت الفرش الاساسية اللي استعملها دايما ..
في كمان مناديل مسح المكياج..
واخر شي باقي من نفس القماش اللي فارشاه
استعمل هالقطعة على التسريحة دايما لما اجي اسوي مكياج
حتى لا يتوسخ السطح من فوق بالظلال والبودرة...
هذا ترتيبي لتسريحتي....
:)
بالنسبة لباقي الغرفة...
(بدون صور)
اتنين كوميدينو..
على كل واحد اباجورة فوق المفرش الصغير...
وعلبة مناديل مغفلة بجهة جوزي بس...
اللي بجهة جوزي اول درج فيه اشياء زوجي (مفاايح , محفظة , قلم ,, غيرها اشياء ) مع مفكرة وقلم طبعا وعلبة فيها مصاريف البيت وذهبي اللي البسه كل يوم وما راح اقول وين البقية :P...
الدرج الثاني عامله صيدلية البيت..
مسكنات ومضاددات حيوية وغيرها اشياء...
اللي بجهتي انا
اول درج فيه (علبة لبان نعناع) مناديل , مفكرة وقلم , شوية اوراق مهمة...
ثاني درج خليته للاكسسوار عموما...
عندي دولاب من خمسة ادراج مع الغرفة..
مستعملاه لملابسي الخاصة..
قمصان نوم وملابس داخلية...
بالنسبة للدولاب
فهو ست ابواب مقسمة ثلاث دواليب..
اول واحد جنب الباب فيه اشياء زوجي..
ومستغلة الفاضي منه حطيت فيه اغطية النوم حتى ما تزحم السرير في النهار..
الدولاب بالوسط فيه ملابس الخروج والعبايات والطرح..
تحته درجين عراض شوية
الاول ملابس زوجي الداخلية مع الاحزمة والشرابات...
والثاني للجديد من ملابسه الداخلية او شراباته...
اخر جزء هو خاص لي بالكامل من فوق لتحت
بقية ملابس البيت والزيارات وغيره...
على جانب الدولاب علقت علاقة ملابس (على نفس الخشبة تثبت من فوق بدل تخريم الحيط)
هذه طبعا لتعليق عباية خفيفة او لبس اليوم ..
ما احب اركن فيها ملابس فترة طويلة او كمية كبيرة
احبها دايما فاضية مافيها اكثر من اربع قطع!!
وما تقعد اكثر من يومين...
وتحت للعلاقة في سلة غسيل شريتها من ايكيا
عبارة عن قماش بلاستيكي..
هذه مخصصة للملابس الناعمة بس..
ملابسي الداخلية وقمصان نومي..
باقي الملابس لها سلتها اللي بالحمام..
لاني افضلها تكون في الحمام بدل اي حتة ثانية...
بالنسبة لتعطير غرفتي...
يوميا اولع البخور في كامل البيت..
من فترة للثانية اطلع اغطية النوم وارش عليها شوية عطر واخليها مفروشة قدام البخور
كده الريحة تثبت وتكون جدا حلوة وناعمة...
من وقت للثاني كمان افتح الدواليب (خاصة دولاب زوجي) وابخ عليه شوية عطر او حتى شوية موية بس ترطب الخشب وابخر جوة الدولاب واقفل عليه حتى يكتم البخور جوة..
للسرير تبعي..
المرتبة اول ما شريتها قبل اتزوج وانا بفرش في غرفتي غلفتها بكيس قماش غامق لونه وما يزلق الملايات اللي عليه...
وطبعا اول ما اصحى اطبق الاغطية ..
ادخلها الدولاب واعدل الملاية دغري...
وسلامتكم..
كانت معكم طقطق محدثتكم من قلب غرفتها :D