سؤالي كان

كيف أخلي شقتي نظيفه بحيث لو يجي زوجي فجأه من الدوام يلقى الشقه نظيفه؟



وكان جواب أمي ألله يحفظها أنها قالت لي أبدئي من غرفة النوم المكان ألي صحيتي منه

وأمشي بنفس ترتيب الغرف الي الصاله وفعلا أعتمدتها طريقتي ولله الحمد أرتحت

بسم الله الرحمن الرحيم



سألت الوالده الله يطول بعمرها

كيف ممكن احفظ بيتي من ريحة السمك عند قليه ؟؟

فقالت لي

اولا اقفلي كل الابواب الغرف وخاصه المجالس وغرف النوم
ضعي قطعة ليمون بنفس الزيت اللي راح تقلي فيه
وممكن تحطي ابريق فيه ماء وقرفه وتخليه يغلي
او تحمصي شوية بن اسود عشان يمتص الريحه
واول ما تخلصي قلي ويبرد تخلص من الزيت عشان ريحته ما تبقى بالمطبخ


بالتوفيق للجميع

سالت الوالده الله يحفظها كيف اشيل بقع القهوه اذا انكبت على الفرش وقالت حطي ملح فوقها وخليها ساعه بعدين امسحيها
وبعد سالت وحده مو امي جارتي دايم تغسل بكلوركس ومايبقى ريحته في يدها قالت افرك يدي بمعجون اسنان بعد اخلص الغسيل

:27:سؤالي الحين من تجربة امي الله يحفظها تعقدني الكزبرة شلون تطول ماتخرب قالتلي؟؟؟؟؟؟؟؟


اقطفيها بدون فرم اغسليها وحطيها بالصفايه لين تنشف ثم بكيس بلاستيك والفريزر على طول عند الاستخدام خذيها بيدك وابد كبسه من يده الا هي متفتته وعلى الاكل على طوووووووووووول وطعمها فريش وتجلس مده طويله ماتخرب

والملاحه عشان مايلزق الملح فيها؟؟؟؟؟؟؟؟؟

حطي 3 حبات رز وابد تاخذ الرطوبه كلها ومايلزق الملح

الترامس تبينها جديده وابريق القهوه بعد؟؟؟؟؟؟؟؟

الترامس حطي شوي فيري وشوي كلوركس وماي حار نقعيها ثم اغسليها شوفي وش يطلع معك من البقع وابد ترجع جديده اخر شي بعد تكرار الغسيل حطي بترمس القهوه شوي عويدي وماي حار تنقع والشاي حطي نعناع وماي حار عشان الريحه وابريق القهوه تايد وماي وعلى الفرن يطبخ يرجع مثل ماشريته وبعد مايطلع الوسخ ويلق لك حطي عويدي وماي على الفرن بعد بس يغلي عشان تروح ريحه الصابون وسلامتكم

من تجربتي بالغربه دورت فواحه مالقيت وانا شاريه عطوراتي من السعوديه رحت اخذت مقلايه ما ابيها قديمه وحطيت ماي ونقط من العطر وحطيتها على الفرن الكهربائي اخر درجه وابد فاحت الريحه بالبيت كله لان مطبخي مفتوح وزي الفواحه وسريعه وبلا شموع وحوسه

شكرا لكم على المجهود:
سألت امي كيف تغسل عبايتها كل اسبوع بدون مايبهت لونها وكانها جديدة؟
قالت انها تغسل بيدها بشامبو برسيل للعبايه بدون صابون لان الصابون يبهت اللون ويشهب الاسود
وفعلا اعتمدت طريقتها وحافظت على عبايتي جديده وصرت اغسل تنورتي السوداء بنفس الطريقه برضو ..