اخيرا ام عزوز كنا مستنيين تقصي الشريط وتبدئي
الحمد لله والبلايز جميله اوي والعسلي فعلا حلوه :27:

اهلين بالبنات
عفروته عرفتى الرابط
وفين الوعل ؟؟؟؟؟ مش برضه بيسموه كده فى افلام الكارتون

مبروك على الرابط يا ام عب العزيز
بس فين الجاتوه



احم احم
انا عاوزه اقولكم حاجه بس مش عاوزاكم تزعلوا منى

انا كمان بدور على حد يفهمنى عمل البلايز

يعنى انتم واخدين فيه مقلب ههههههههههههههههه

لكن ان شاء الله نستطيع جميعا ان ننجز احدى هذه البلايز
وانا على فكره محددتش اى شكل المفروض اننا نتفق على شكل معين ونبدا فى التنفيذه معا
وبعد كده نبدا فى اخر حتى نلبى جميع الطلبات

انا كمان عجبتنى البلوزه العسلى
وعلى فكره هيه عباره عن عدد من الاعمده مثلا 4 او 5 بينهم سلاسل
وبيبى مرمر كانت عارضه جاكيت وطريقه عمله بنفس الطريقه
وانا ممكن اعمل زيها باذن الله

والبلوزه الدوائر عجبانى
واعتقد دى مش محتاجه شرح
يعنى ممكن باى شكل دائرى - مش شرط الموجوده فى البلوزه -
نشبكهم ونعمل بلوزه



اما البلوزه الشبك
واعتقد ان هذا طلبك يا ام عبد العزيز

اعتقد ان كل مشكلتها هى حرده الرقبه والكم
وانا حاسه انى ان شاء الله اقدر اعملها

وهى سهله جدا جدا
واعتقد ان الجزء السفلى منها عباره عن مربعات مشبكه فى بعض
دققوا النظر فيه اكده ؟؟؟



على العموم انتم اختاروا واتفقوا ونبدا المناقشات ونضع الافكار الى ان نصل لطريقه العمل باذن الله



وكنت عاوزه اوريكم البلوزه اللى انا عملتها
هروح اصورها لكم وارجع

من غير ضحك
دى كانت محاوله صبيانيه منى لعمل هذه البلوزه

وكانت من بواقى الخيط
وطبعا لبستها وغسلتها لما طلعت عينها وحقيقى والله حلوه باللبس








وعلمت ايضا ماريا توب من موقع الباترونات المجانيه لكن فكيتها لانها كانت قصيره للغايه
وهذه بلوزه اخرى لكن لم اكملها بعد

اللون مش واضح فى اصوره لانى باليل والاضائه مش مساعده
وناويه اعمل لها وردات بالاحمر


وجبت لها بادى احمر واخر اخضر حضرت الحاجات قبل ما اكملها ههههههههه

وهذه هى الغرزه من قريب





فى انتظار اختياركم لاى بلوزه لنبدا فى عملها معا

الدرس الاول ------------------



طريقه عمل البلوفرات باشكالها المختلفه----------------------------------
اولا:
لتحديد مقاس البلوزه
--------
1- لكى تحصلى على المقاس المضبوط لعمل بلوزه او بلوفر يجب ان ترسمى الباترون بالمقاس المطلوب او حتى تستخدمى بلوزه بنفس المقاس
2- اشتغلى عينه بالغرزه التى سينفذ بها الباترون بعرض 25 سم وطول 4 سم
3- تقاس عرض العينه بالسم
4- اقسمى عدد غرز العينه على ناتج مقاس العينه فتكون النتيجه هى عدد الغرز فى السنتيميتر

وسبق ان قلنا ان كل 4 بريد تمثل 1 سم
ويختلف عدد الغرز فى السم باختلاف نوع الغرزه
اضربى عدد الغرز الموجوده فى السنتيميتر الواحد فى عرض الباترون المراد تنفيذه فيكون الناتج هو عدد الغرز المطلوبه
ام ابالنسبه للطول فيكون حسب الطول المطلوب




الطريقه السابقه هى الطريقه الصحيحه لاخذ المقاسات
اما انا فاخذ الطريقه النظرى وهى اشتغل عدد من السلاسل واقيس على بلوزه عندى او حتى اقيها على وسطى لاننا نبدا العمل من الاسفل للاعلى

وطبعا فى انتظار طرق الخبيرات لاخذ المقاسات


------------------------------------

انواع حرده الرقبه
---------------------
1- حرده الرقبه المستديره----------------------------------------

وهنا حرده الامام فقط بعد ذلك هناخذ حرده الرقبه المستديره للخلف
1- بيكون عدد الغرز المطلوب قفلها هو ربع عدد غرز عرض الشغل
2- عدى غرز الشغل واقسميه على 2 واربطى خيط بلون اخر عند خط المنتصف لعمل علامه


3-اشتغلى من بدايه السطر حتى قبل المنتصف اقفلى غرزتين معا ( اى تناقص )
والتناقص بيطون على حسب نوع الغرزه
فمثلا فى البريد نشتغل غرزتى بريد مع ترك اخر لفه من كل غرزه على الابره ثم نسحب الجميع مره واحده )

كما فى الصوره


وهنا باستخدام غرزه الحشو



ويمكنك ان ترى طريقه التناقص بالتفصيل عند متابعتك لاحدى دورات الكروشيه الموجوده بالمنتدى

ضعى لهم روابط يا ام عبد العزيز
4- يستمر التنقيص بغرزتين حوالى 3 اسطر او حسب الباترون ثم ننقص غرزه ثم نكمل الشغل بدون تنقيص حتى حرده الكتف