مساكم الله بالخير وبالحب وسعادة وسرور .........
كيفكم ايش اخباركم والله وحشتوني حيل وزمان ما نزلت لكم موضوع شخصي بسبب الدراسة بس الحمدالله عدت والحمدالله رجعنا والله كونت مقصرة حيل في التطبيق مرااا بس اتمنى يسامحوني الغالين والله بعد مدت تهت فيها لقيت عالم حواء وهو بيتي الاول والاخير بعد الكلية والله ربي يخليكم جميع يارب ويسعدكم والله اخذت وعد على نفسي بعد ماكونت مو مسجله واشوفكم مشاهدة اني اول مااسجل اكون عون للكل واللي يعلمني لو حرف واحد انو الدعاء اكبر دليل على امتناني ليه حتى لو ماتعرف بتظل بفكري واذكرها والله يشهد علي دايما احس التطبيق اقل هدية اقدمها لشخص اللي يشرح من قلبه بالرغم انو مايسوي شي بس هذا ان دل يدل على طيبة القلب لكل وحدة تهدينا معلومة في
(زمن شحت فيه حتى الكلمة الحلوه الا كلمت شكرا صعبت على الناس والله )
هذا الموضوع اهداء خاص بس مستحيل انسى الغالين ابدا
روعة الاخلاق : هذي الاساس اول شخص حبيتو واول شخص انتظرتها بشوق في غيابها والله ورح يظل الاساس موجود طال الزمن والا قصر لو اهدي روعة عيوني قليل والله من شوقي لها بغيبها كونت اشوف مواضيعها القديمه وكل يوم اقول يارب ترجع ورجعت الاستاذة روعة والمعلمة وماخذلتني وشي اكيد المعلم مايخذل طالبو ابدا ربي يحفظها لنا دوم يارب .
سوالف نهار : ثاني شخص عرفتو واحب ردودها عفويه وعن طيبة قلب حبيبة الكل وقلبها طيب والله واضح من ردودها بجد مااستغنى عنها في اي موضوع لو ماردت نطيت لها خاص وينك اخاف تكون زعلانه شي لانو احب اتريق واضحك كثير اخاف تكون زعلت والا شي الله ينجح اولادها ههههههههه ادعولها معايا تروها حايسه <<مفضوحه صح هههههه
ادري والله الله يوفقهم يارب تعالي انا مودبا والله قربت اختفي تكفين لو عندك حل قوليلي لو نطيت على شاشاتك مارح تشوفي غير العصاقيل هههههههههههههههههههههههههه الله يسعدك يارب ويخليك .
د/ رنا : اهاااا هذي غير سؤال مين مايحب اهل الشام غصب تحبهم على طيبة قلبهم والله ربي يسعدها واذا غابة فتره برضو نطيت لها خاص بس وعدتها اكون مرتبة لاتشيل هم مارح افجعها هههههههههههههههههه وهي وافقت عادي اتفقنا على كذا مااستغنى عن مرورها والله ربي يوفقها ويخليها يارب ولايحرمنا منها .
آية الله : ايش اقول اقسم بالله لو دعيت العمر كلو قليل في حق انسانة فوق الوصف ارسلت ليا على الخاص شرح كامل عن الطباعة ولا وتقول لو عندك سؤال اسألي بجد اقسم بالله خجلت ياربي ايش اهديها من جد احرجتني الله يسعدها يارب والله في بالي وادعي لها من كل قلبي والله سألت سؤال وجاوبت بكرم ماصدقت عيوني الله يسعد قلبها يارب .
طبعا وغير وغير ياكثر احبابي والله دانات والمرسم تبعها اللي كان دافع ليا لرسم , الفن راقي ربي يرجعها لنا بالسلامه يارب , شقراويية المختفية ماسرت اشوفها , جودي% وبسطتها في الاعمال الله يهدي بالها وترد لنا مثل اول , دموع الورد يارب تعمل كوشتها الاولى , ابغى اساعد اهلي وان شاء الله تتقدم بالفن , كندانة العسولة الله يسعدها , تبارك القدوس وان شاء الله تنجز مجسم التفاسير , متزوجة وعانس الله يهدي بالها وتفرح من قلبها يارب ويعوضها صبرها خير , نسمة وترجع لنا بممتاز مع الاختبارات , دنيا السلام هذي غير اسمها على اسمي
وماانسى الاسم المخضرم ( سهام ) انا اميزها بملفاتها الكبيرة والله بجد انسانة خطيرة بجدارة ربي يسعدها ورح انفذ فن لف وطي الورق تبعها هي من مصر طبعا بلد العلم .
تحديد الاسماء لايعني جهل البقية والله كولكم اغلى ناس لو ماذكرت وحدة وهي تعرف انها غالية عليا لاتزعل الله يسعدكم جميع .
خندقجي وحضوروا المميز وهدا العمل تطبيق لحلقتوا الاولى والتالته في الطريق ان شاء الله لانها عجبتني مووووت والله ماشاء الله عليه
عطاء غير محدود الله يبارك برزقه يارب ويحفظوا لاولادوا يارب .
الكلمات اهداء( لسمو الروح )والبرواز ايضا
فكرة العمل تحت امركم ولعيونكم خدوها الله يوفقكم بس الكلمات لو امكن تكون خاصة لو عجبتكم مرا وحدة حبت تاخذها من العضوات عليها بالعافيه مااعرف اقول لا بس لو مو لازم بس مجرد اعجاب تتركها لصاحبتها سمو الروح حتى المشاهدات مااعرف اقول لا وترا هدا من عيوبي عصبيه جنونية بس مااعرف اقول لا كيف تجي ماادري هههههههههههههه.
طيب نبدأ العرض للعمل بسم الله طبعا اول شي شوفوا بسطتي ههههههههههههههه يعني زي اللي يبيعوا في الارض للي مايعرف البسطه طبعا لما اخترع عمل مااعرف احدد الخامات بس الفكره الاساسية في راسي وابدأ.
هنا بخيت اللوح الخشبي بخاخ دهبي رتوش بس وهدي النتيجة .
وهنا بعد مااعملت ضربات من الون الاخضر والاصفر والابيض ضربات فقط وهدي النتيجة .
وبدأنا بوضع غرا الخشب على اللوحة مو لازم ينشف اللون وبدأت اجعد مناديل كلينكس شوفوا كيف .
واسترينا وهدي النتيجه الطبقات غير محددة على راحتكم اللي تحبي من كمية وتكتفي .
وهنا اضفنا الخامات من خلال الصورة رح يبين لكم كل شي واي سؤال تحت امركم لاتخافوا من الكترة رح تختفي تابعوني ورح نوصل للاخر وتشوفوا .
وهنا عن قرب اكتر ترا بتشوفوا سيقان ايادي ههههههههه كل شي اخواتي تعبت اجيبهم هنا يجوا هنا زي القدر المستعجل هههههه
وصلنا لوضع الطبقة التانية شوفوا كيف اختفى كل شي وهدي الصورة تثبت .
عن قرب .
لااحد يرد الله يسعدكم بكمل لكم الله يستر لايطير كل شي قسم بالله تعبت اهئ اهئ
هنا ثبتت الغصن زي القاعدة الجانبية وبدأت انسق بس لازم تنشف المناديل والا والله رح تتعبوا كتير والله لانو تخرج في يدكم انا تعبتني بس اضطريت عشان اخلص واوريكم ةغير كدا عندي تطبيقات غير .
وهنا اضفت الغرا زي المويه وهدي النتيجة .
هون من الجنب عملتو متل قطرات الندى فكرة اخدنها في تنسيق الازهار ايام الكلية بس ضروري يكون الغرا ابيض وصافي عشان النتيجة تكون تمام .
خرجنا الدرع من الحووسة والتصوير الان رح يكون اوضح طبعا
لانو تمت سرقة كاميرا اخويا بعد ماانام ههههههههههه يازين القاعدة البحرية اللي وظفت اخويا ههههههههههههه.
هنا اخدت الورق الملون ولون صارخ ومطفي عشان اكسر واضفت دبابيس كبس زي ماتشوفوا تعطي منظر افضل وهدي النتيجة تفضلوا .
وهون الاخراج خلصنا يالله بدأ الجد الكلمات والاخراج الكلمات اهداء ( لسمو الروح ) والاخراج اهداء لكل شخص حابب يتعلم او يقتبس الفكرة .
عن قرب اكتر .
ها ايش رايكم اان شاء الله عجبكم وبعد غيبة جملت معاكم يالله في انتظار ارئكم بشوق وحماس
الله يستر سمو الروح مايعجبها والا شي <<<بتروح فيها انهيار عصبي :icon33:ههههههههههههه
واهم شي خندقجي شوف جزء من التنسيق شو رايك تمام او لا فهمت عندك سؤال والكل ومرحبا بكم جميع .
والعمل القادم الاكسسوار :