حبيباتي واخواتي
بعد ماخربت علينا آلة التغليف الحراري بالمدرسة
وكنت مجهزة بطاقاتي ناويه أغلفها لأن عندي نهاية الأسبوع توزيع زي ماوعدت طالباتي
وعندي مجموعة كبيرة
وخصوصا اني ادرس رابع وخامس وسادس كل مواد الدين ماعداء التوحيد
24 حصة
ومجموعة من الطالبات
الي ممتازة بمواد الدين
الي خطهاجميل وتحل الواجبات
والي ممتازة بأوراق العمل
والي مشاركتها متميزة والي تحفظ.. والخ
لذلك بحثت أمس بقوقل مالقيت الا موضوع عن التغليف يبغاله غطاء للمكوى وطلبية من النت وحوسه
قلت مبدهاش >>> فكري كالعادة وابتكري طريقة
بدال حوسة طلبية المكتبة وتسحيب وجهي من بيوديها والخ
طبعا جربت وزبطت معي ولله الحمد
وهذي طريقتي بالتفصيل وبالصور
بالبداية اطبعي بطاقاتك الي مجهزتها حسب موادك الي تدرسينها نفع للأمهات لتغليف بطاقات بناتهم واولادهم
بعدها قصيها على أطراف البطاقات مثل الصورة
الأن حطي طبقة سولفان مقوى من الي نستخدمة في تغليف الدفاتر والمجلات المدرسية وسجلات التقويم
وبعدين رصي البطاقات متباعدة بحوالي نصف سم عن بعضها
وحطي طبقة ثانية من التغليف
وبعدين حطي حبه وحده فاين(مناديل ورقية) محارم(كلينكس) حسب المسمى عندكم المهم انه الي في الصوره وحده تقول بجرب قماش ترى مايزبط لان القماش بيحترق مع الحرارة >> لاتقولين ماقلت لك
الأن شغلي المكوى خلي المكوى بأعلى درجة حرارة
الحين اكوي فوق المنديل فقط لا تحطين المكوى فوق البطاقات مباشرة بتحترق
وعيدي عملية الكوي تقريبا من 4الى ست مرات تكررين الكوي مع الضغط بقوة وحطي مناديل متقاربه حتى تغطى السولفان
لكن طبقة وحده حبه وحده لاتكثرين
أيضا بنفس الطريقة تكوينها بعد من الخلف
خليكم متابعين بكمل
وهذي الصورة رافعتها لاعلى توضح الشكل بعد مابرد التغليف
الأن تقصينها وتطلع لك بهذا الشكل
وشوفي الكميات الي طلعت معاي وبعد ماقد كملت لازال عندي كمية منها متحمسه اخلص شغلي بالمره
زميلاتي انجنو عليها اليوم وكانو يظنون اني اشتريت آله جديدة
وطريقة لصقها على صدر الطالبة اشتريت كميه من المشابيك الفضية الي نستخدمها مع الملابس
من محلات التخفيضات (ابوريالين) جبت 4علب تكفي للترم الدراسي كله بحول الله
بصورها واحط لكم طريقة لصقها
في الرد القادم
تابعوني
لاتنسوني من دعائكم الطيب