هاي وصفة الحراق بأصبعه للأخت tiaa الله يجزيها كل خير
جربتها اكتر من مرة وعجبتني
هادا رابط الوصفة الاصلية
http://forum.hawaaworld.com/showthread.php?t=158113
وهاد تطبيقي مع الشرح بالصور
المقادير
كوب عدس اسود
2-3 حزمة كزبرة خضراء
3 بصلات متوسطة جوانح
راس ثوم مهروس
ملح
عصير ليمونة وحدة
فنجان زيت زيتون
وكمان كمية من زيت الزيتون لتقلية الثوم والكزبرة
3-4 ملاعق كبيرة دبس رمان
الاخت tiaa استعملت المعكرونة انا استخدمت العجين
وللعجين استعملت :
كوب دقيق
رشة ملح
ملعقتين كبار زيت
ماء دافئ للعجن
نيجي للطريقة
اول شي بنقي الكزبرة وبنغسلها وبنفرمها ناعم
وبنحطها بالمقلاة مع راس الثوم المهروس وبنحط
كمية منيحة من زيت الزيتون وبنقلبها عالنار
وبعدين بنقلي البصل الجوانح بزيت ذرة
لحتى يدبل بهالشكل
هلأ بنعجن الدقيق مع رشة الملح والزيت
والماي الدافية وبتركها لحتى ترتاح شوي
يتبع
حبيباتي ما حدا يرد ليكمل الموضوع
هلأ بنسلق العدس لحتى يستوي
اللي بتستخدم العجين بتحتاج 10 اكواب ماء
بنفرد العجينة رقيقة وبعدين بنقطعها مربعات صغيرة
انا كنت قطعها بالسكين كانت تاخد وقت كتير
مرة كنت بجيان وشفت هالاداة اتوقع انها للمعكرونة
بس نفعت لهالطبخة وبتطلع المربعات نفس الحجم
اول شي بنمررها عالعجينة بالطول
وبعدين بالعرض لحتى نحصل على مربعات صغيرة
بتمنى تكون الفكرة واضحة
بناخد شوي من العجين وبنخليهم على جنب
لحتى نزين فيهم وجه الصحن بالاخر
يتبع